Ka Nupepa Kuokoa, Volume LXI, Number 49, 7 December 1922 — KU KA AHAHUI KAMEHAMEHA MA KA MOKUPUNI O MAUI [ARTICLE]

KU KA AHAHUI KAMEHAMEHA MA KA MOKUPUNI O MAUI

Kuu Solomona Hanohano, aloha kaua:—E oluolu mai oe i kela poomanao e kau ae la maluna, i pili aku i na mea i lawelaweia ai, na niea e holomua ai keia hui o na oiwi Hawaii, a manao au e oluolu mai ana no oe i na mea olaio i mau ohua no kau nupepa, ka ipu uwila nana e hoomalamalama aku i ka mokupuni kaulana nei, o ia no- ka oi. I ka hoihoi pono ana ae L keia kukulumanao ana, aia no ia i ka noenoe ahiahi o ka po Poalima nei, Dec. 1, 1922, i ka hora 7:30, i hiki aku ai kou kiu nei ma ka uwapo Helu 12, a ka S. S. Kilauea e ku mai ana me ka malamalama i na kukui uwila, e hoike mai ana i na komite o ka hui i oleloia, ua makaukau ia e hookipa aku me ka hauoli. •Hui iho la me ua mau komite nei, j ame ka lululima pumehana ana, aia | pu no hoi me na aliiwahine e launa pu ana me ua mau keonimana nei, a kani ana ke oeoe mua, aia no hoi au e pupue la me ka'u aliiwahine, oiai he huakai hoopuiwa keia i ka manao i kinohi, no ko lakou lohe ana o ka hele iho la no ia. I ke kani ana mai o ke oeoe elua i honi hoomaumau iho ai au iaia, a pii aku la ilana o ka moku, a hui iho la me kuu kapena maikai, ame na hoahanau o'u, oia ka Mea Hanohano John C. Lane, ka Lunakanawai J. R. Desha, ka Uamuku Amerika O. P. Cox, W. Chung Hoon, Jr, Edward Wongham, B. N. Kahalepuna, A. I. Bright, R. Kinney, Simeon Akaka. Kani hou ae la ke oeoe ekolu, i hemo mai ai ka laina omua, aia hoi na aliiwahine ke ani hainaka mai la, o ke kani kui'lua ae la no ia o ka pele ame ka emi hope ana o ua nene aukai nei ihope me ka malie, a i ke kupono ana ae o ka ihu o ua nene aukai nei i ka hale ipukuui, o ka haawi pau iho la no ia o ua kapena nei i ke kani hope o na pele, e hoike aku ana i kahi wiliki, e wehe pau ia na ki o uwehone. Aia hoi au ke ku la mamua, ke haawi la i na kilohi ana mai i ke kulanakauhale alii, i ke ku i ka nani ke nana mai, a haawi ae la ua mau keonimana nei i ko lakou mau kileo i ka himeni kaulana: Imi au ia oe ke aloha la, Ma na paia aala o Puna; Ihea la oe i nalowale iho nei, Hoi mai no kaua e pili. A hu ae ln ko makou aka. (Aole i pau.)