Ka Nupepa Kuokoa, Volume LXI, Number 49, 7 December 1922 — MAHUKA HE WAHINE PEPEHIKANAKA MAI KA HALEPAAHAO AKU [ARTICLE]

MAHUKA HE WAHINE PEPEHIKANAKA MAI KA HALEPAAHAO AKU

Ma ka lono kelekalapa mai ka Nupepa Associated Press mai o ka loaa ana ae ua hoakakaia ma ia lono meahou ka holo mahuka ana aku o kekahi wahine haolo i hoahewaia no ka pepehikanaka mailoko aku o ka halepaahao ma ka po, a ke holopee mai la oia ma kekahi wahi me ka paa ole i ka hopuia, elike me ia i hoakakaia ma ka moolelo piha malalo ae nei penei: LOS ANGELES, Dec. 5.—0 Mrs. Clara Phillipa, ka wahine pepehikanaka me ka hamare, a i holo mahuka aku ai a pakele mailoko aku o ka halepaahao ma ka wanaao o keia la, o ia mau kona hele laula ana ma ka po i hala me ka paa ole i ka hopuia. Ua loaa aku o Armour Phillips, ke kane-mare a Clara ma ka po nei, a na paa īa oia malalo o ka hoomalu ana a ka makai nui no ke kali aku no ka hopena o na mea e hanaia aku ana. Ma ka ninauia ana o Armour Philipa, a wahi ana, aole oia i maopopo i ka mea e pili ana i ka mahuka ana o kana wahine mai ka halepaahao mai. Ahiki mai i ke aumoe ana iho aohe moali iko no kahi e loaa aku ai ka wahine mahuka. Kana Hana Ana i Hemo Ai Mahope o ke 010010 ana a moku keknhi mau hao o kona rumi a pii aku Ja ma ka puka aniani ahiki i ka hemo ana iwaho, ua manaoia ma kahi o ka hora 2 o ka wanaao kona mahuka ana. Eono hora mahope iho 0 ka mahuka ana akahi no a ikeia na mahuka oia. Ua hoopa'i paahaoia oia ma kekahi manawa kokoke aku nei i hala mai ka umi makahiki a i ka noho ana maloko o ka halepaahao a pau ke ola, no ka hewa ona 1 hoopiiia ae ai he pepehikanaka ma ke degere elua, a ua hoopaaia aku nae oia maloko o ka haleaahao no ke kali ana a pau ka hooloheia ana 0 kana hoopii hoohalahala i ka olelo hooholo a ka aha. No ka pepehi ana o Mrs. Philli ps ia Mrs. Alberta Meadows a make ma jka hahau ana iaia me ka hamare i ma ka la 12 o lulai i hala i hoopiiia ae ai oia. O ke kumu no keia hana ana pela ua hooiaioia ae no ka ili punalua. Ma ka mea i manaoioia e kekahi poe ua kokuaia mai oia e kekahi lehulehu mawaho i alolia iaia, a i ole 1 hoolimalimaia paha i hemo ai oia, a maluna o na kaupoku o na hale i pinana aku ai oia ahiki i ka iho ana aku a hoea i ke alanui, a kau maluna o kekahi kaa oto i pakuia na aoao a paa' i hoomakaukau mua ia a mahuka aku la. Nui ino ka opiuma e ahu mai nei maloko o ka halekukeawa i makaukau no ka hoounaia aku i Amerika ke loaa mai ke kauoha.