Ka Nupepa Kuokoa, Volume LXI, Number 49, 7 December 1922 — KA HALAWAI A KA PAPA O NA LUNAKIAI [ARTICLE]

KA HALAWAI A KA PAPA O NA LUNAKIAI

0 ke kumuhana mua i noonooia e ka papa ma ka manawa i noho ai ka halawai mau ma ka po Poalua nei 0 ia no ka mea e pili na i ka oihana wai. Ua hapaiia ae keia kumuhana 1 ka manawa o ka loaa ana ae o kekahi leka mai ka ahahui ae a na Enekinia e hoakaka ana aohe mea a ka papa i hana ai e pili ana i ka hookohu ana ae i ke enekinia ana wai, elike me ia i hoakakaia ae ai e ka ahahui kuloko no ka waiho ana mai i kekahi hoakaka pokole maluna o na hoike e ku nei i nei manawa maluna o ka hana e hoomahuahua aku ai i ka pono wai, na wahi e loaa mai ai ka wai a pela aku. Ua hoakaka ae ka Lunakiai Paeheeo i kona ku-e i na hana hoonui lilo no ka hana ana mai a kekahi enekinia hoti i ka mea no i loaa mua. He eha mau hoike no ka oihana wai e waiho nei, o ka hana i koe na ka oihana wai ia e koho i ke ano o ka hana e hoonee mua aku ai. 0 ka hoike hope loa i hanaia, wahi a ka Meia Wilaon, iloko ia o ka 1916, a mai ia manawa mai ua hoonui loa ae ka oihana wai i kana lawelawe hana ana. Aole i hoakakaia ma ia hoike kahi e hoomaka ai ka hana ana ma kekahi ano hana niaopopo mamua o ka waiho ana mai o ka oihana wai i kekahi kii no ke apono ana aku a ka papa. Ua kulike ko Lunakiai Arnold me ko Paeheeo, ua lilo ka oihana wai i mea kamailio mau ia e ka papa i kela ame keia nianawa, a wahi hou ana, o na hoike i waiho mua ia mai ai ua moelolii iloko o na pakaukau a na lunakiai. Nana i waiho ae he noi na ke komite o na loaa ame na hoolilo e hoomakaukau i hoike a waiho aku ma kekahi halawai hou ana aku a ka papa maluna o ka ninau e pili ana i ka hoolimalima ana aku i enekinia no ka waiho ana mai i hoike pokole, a e hoakaka pu mai i ke kumu o ia enekinia 1 waiho niua ole ia mai ka inoa i ka papa no ka hoonoo ana. Ua hooholoia kana noi. Mai ka Hui Hokele Teritore mai he leka e apono ana ma ka mea e pili ana i ka manao a ke Konela Schofield i hoolala mai ai ma ka halawai mamua aku a ka papa, e kuapo ke aupuni kulanakauhale i ke alanui Kaiulani no kekahi hapa o ka aina o ka hokele ma ka mea e pili ana me ka hana hou i hoolalaia ma Waikiki. oka ninau e pili ana ike alanui e hele aku ai ahiki i kapakai kekahi i hoakakaia ma ia leka. Ua waihoia aku ka noonoo ana ia kumuhana i ke komite alanui a i ka 1010 kulanakauhale ame kalana no ka noonoo ana, mamuli o ka ikeia ana e ku-eia mai ana ia manao e na makaainana o Waikiki. He leka e hoakaka ana no i ku-e ka i loaa ae mai a M. Magoon ae, e hoakaka ana maloko o ia leka ke kanaluaia o ke ku i ke kanawai o ia kuapo e hanaia aku ana. Ua hoouna pu ia aku ia leka i ka loio kulanakauhale ame kalana. He leka mai ke kauka mai o na holoholona ka i loaa pu ae e noi ae ana no ka ae ana aku e kiia na hoki elua i onaia e ke aupuni kulanakauhale niamuli o ka ikeia ana o ko laua kupono ole no ka hana. He palapala noi mai na kalaiwa kaa otomobile ae e noi ana e hoololiia ke kanawai i hookapu ia ai na akena mawaho ae o na kalaiwa mai ke noi ana aku i na uku kaa ma na uwapo; ua waihoia aku keia i ke komite o ka oihana makai, a i ka loio kulanakauhale. Ua hoakakaia maloko o ka palapala hoopii ka hana mau ia o nei hana ma na uwapo. Ua kauohaia ae ka 'loio kulanakauhale e hoomaka aku ka hana ana i mea e lilo mai ai ka aina i kupono no ka hoakea ana ae i ke alanui Puowaina. He noi mai ke kahunapule ae o ka Ekaleaia o Kristo no ka aeia aku o ka halekula ma Manoa i wahi e malamaia ai kekahi papakula Baibala, a o Lunakiai Paeheeo ka mea ku-e. Ma ka manawa o ka makaukau ana no ke aponoia o ke noi, ua hookomo ae la o Arnold he hoololi, o ia hoi o ka Lunanana Hale Louia Cain kekahi pu e akoakoa aku ma ka manawa e malamaia ai ke kula Baibala no ka nana ana aku i ka lawelaweia ana o na hana hoomana maloko oka halekula me ke kupono; aponoia ke noi me ka paku'i. He noi mai na hoa ae o ka Bana Hawaii no ko lakou aeia aku e hoomaha. ma ka La Makahiki Hou ame ka la mahope iho ka i noonooia a aponoia. O ka hana e pili ana i na alanui ma Puunui no ka hiki ke heleia, ua waihoia aku i ke komite alanui, He olelo' hooholo e hoololi ana i ka $65,000 mai ka waihona ae o Puunui a i ka waihona o na hana hou Paa mau ua holo ma ka heluhelu elua a ekoluia ana a kakauinoaia e ka Meia. He olelo hooholo e hoololi j ana ia waiho mai ka waihona ae 0 na hana paa mau a i ka waihona , kuikawa no ka uku ana aku i na hoo--1011 no ka aelike o ke alanui Moi, ua hooholoia ma ka heiuhelu ekahi a kauohaia e pa'i. He olelo hooholo e hookaawale ana i $12.500 n 0 ke kuai ana i ka Paka ma Pauoa, ua holo ma ka heluhelu ekahi ana a kauohaia e pa'i. | Hoopaneeia ka halawai a noho I hou ma ka Poalua, Dek. 12, hora 7:30 p. m. I