Ka Nupepa Kuokoa, Volume LXI, Number 49, 7 December 1922 — HOOLAA ANA I KA POHAKU KIHI O KAUKEANO HOU. [ARTICLE]

HOOLAA ANA I KA POHAKU KIHI O KAUKEANO HOU.

Ku i ke eehia na leo himeni ma ka hoolaaia ana. Ma kahi o eha haneri poe i akoakoa ae ma ke Sabati iho nei maloko o ke kahua 0 ka home kahiko o Dilinahama, ma Kapunahou, ma ka manawa o ka lawelaweia ana o ka hana hoolaa 1 ka pohaku kumu kihi o ka halepule hou o Kaukeano e kukuluia mai nei ma ia kahua i keia manawa. Elike me na hana i hoakakaia maloko o ka papa kuhikuhi pela no i lawelaweia ai na hana apau me ka holopono; lie halepohaku ia elike me Kaukeano kahiko, a o kekahi ana ia o na halepule nani e hoomahuahua ae ai i ka nani o ke kulanakauhale o Honolulu ma nei mua aku, elike me ka hoakaka a ka Peresidena a ka Ahahui o na Ekalesia mawaena o na lahui, Rev. H. V. White.

O ka Rev. H. V. White ka mea haiolelo mua a mahope aku ke Kiaaina Farrington, a walii ana, na ka ekaleaia Kristiano i haawi mai ia kakou i na mea apau i loaa i keia la, mamuli o ka Ekaleaia Kristiano ka hui ana o na kanaka o New England ame Hawaii a lilo i hookahi. "Ma na aoao malamalama oi aku o ka holomua ana o na kanaka ma Hawaii o ka ekaleaia o Kaukeano ke alakai," wahi ana. Na P. E. Spalding na manao hoakaka no na mea i waihoia iloko o ka pohaku kihi mahope o ka ke kiaaina haiolelo ana, a na W. R. Castle ame Thoebe Cooke, kaik;.mahine u Kuke i hao a hoopalahalaha i ka puna me kekahi hao hamo puna h<ju. He 31 makahiki i hala aku nei na kona makuahine, o Sophie Judd kona inoa ia manawa, i lawelawe i ka hana elike me ka keia kaikamahine i hana ai ma ia la, ma ka manawa i hoolaaia ai ka pohaku kihi o Kaukeano kahiko. Ka Hamare Laau Kahiko Me ka hamare laau kahiko a S. N. Castle, ka makuakane o W. R. C'astle, i pakui ai i ka puna me ka ikaika he 31 makahiki x hala aku nei, ma ka manawa i hoolaaia ai o ka pohaku kihi o Kaukeano kahiko, no hoi o W. R. Castle o ka pakui ana i ka puna i kawiliia ma ia la. Na Rev. W. A. Palemer kahunapule o Kaukeano i pule mahope o ka pau ana o na hana hoolaa, a na R. O. H. Gulick ka pule hookuu.