Ka Nupepa Kuokoa, Volume LXI, Number 49, 7 December 1922 — NA MEAHOU MA HANA MAUI. [ARTICLE]

NA MEAHOU MA HANA MAUI.

Solomon Hanohano, Aloha nui kaua:—E oluolu oe e hookomo iho i na meahou maikai malalo nei penei: Ke kulana o Hana, ma keia mua aku, he kulana ano nui kona e hiki mai ana, o ia keia he awakumoku maikai i keia wa. He nani na alanui e holo nei mai Hana, ahiki i Nahiku; a pela pu no hoi mai Hana aku ahiki i Kipahulu, i ka makani kaili aloha. Ke aa nei na kukui uwila iloko o na home. Kekahi ninau e kukuluia aku ana ka halewili halakahiki ma keia apana, ma keia mua aku.

E nui ana na kanaka e kipa mai ana ma keia mua aku a he aina e pii ana kona kulana iluna. Mai N&hiku aku ahiki i ka waikau o Keanae, he pokole wale no koe hui ke alanui, o Nahiku me Keanae. O ka ninau nui, ua puka iho la na lunamakaainana o kakou noonoo mai i keia ninau nui i haawina dala no ke koena o ka hana : aua i keia alanui o Nahiku ahiki i Keanae, Maui. Eia hou, mai Kailua, mai ahiki i Keanae, o ia kumuhana j.o ia a oukou e na lunamakaainana e noonoo mai ai i keia kau ahaolelo, e noho mai ana. Alaila ina e holopono keia mau ninau ano nui, alaila e lilo ana o Haim ma keia mua aku he kulanakauhale ano n&i loa, e holo ana ke kaa mai nei aku ahiki i kela pe'a o ka aina kulaiwi o keia mokupqni. Ka Puu o Kauwiki e ku nei, he kulana kukilakila kona mai kinohi mai, he puu kaulana mai na 'lii mai o katoou i hala. He kahua kaua nui o na lii o ke au kahiko, a ke paa nei kona moolelo §hiki i keia wa. Ka ekaleaia o Wananalua, Maui, he ekaleaia nui keia, e ku nei. He halepule nanl, e hoomalamalamaia nei e na kukui uwila, me kona halekahu nani e ku »ei. He hookahi hale nui Communit7 Hall, he hale e hiki ai ke hanaia na mea e pomaikai ai ka ekaleaia. Eia no kona mau luna ame hoahanau ke noho nei. Ke kulana o ke kihapai he maikai.

E hoihoi hou ae au i ka'u makapeni maluna o ke qindu pili uhane, a pili ekaleaia o kakou i keia wa. Owai ke kahunapule no Wananalua nei? Ua lohe ia ka uwe ana o Lahela i kana mau keiki. Ke uwe nei koia ekalesia i ko kahunapule ole. Owai ke kanaka kupono? Alua a'u ninau maluna o keia kumuhana. E hahai ae au i ka haina o ka nane o ia keia, R«v. Moses M. Kahiapo, oia ke kahunapule, a agena kupono no keia ekalesia, mai ! Wananalua, Kipahulu, Nahiku; no ka {nea he kanaka i piha i ka makaukau, naauao, ame na ninau pili uhane. Ua hoike mai ia mau hua maikai iaia e noho mai nei ma Paia. Me koia mau manao pokole, e hoomaikaiia ka inoa o lehova. Owau iho ko oukou kauwa haahaa a hoahanau iloko o ka ekalesia. Ke hoike nei au i ka nuhou maikai e hiki mai ana. HOAHANAU, Hana, Maui, T. H.