Ka Nupepa Kuokoa, Volume LXI, Number 49, 7 December 1922 — HE HOOHENO NO HAALILIO. [ARTICLE]

HE HOOHENO NO HAALILIO.

Kaulana mai nei Haalilio, A he mea nui oe na ka lahui. He inoa nui kou ua kaulana, Ma ke Teritore a o Hawaii nei, Mahalo na lahui like ole, Welo haaheo ana ko lipine, Omou paa ia i ka puuwai, Ma ka la 7 a o Novemaba. Ua kohoia oe me ka lokahi. Lilo a i mea ole na enemi, Ke kiina a ka maunu maikai. He elele oe ua-koho pono ia, No ka hale keokeo o Amerika, I elele lahui na ka lehulehu, I ke Kapitala a o Wakinekona, Hooko pono ia kau oihana, I ka pono kaulike o ko lahui, O aku makou , o mai oe, Haalilio no kou inoa. Hainaia mai na ka puana, Lei oe i ka lei o ka lanakila. Hakuia e PETER KAMANO, Uanoe o Koloa. WAKINEKONA, Nov. 27.—Ua waihoia aku ka inoa o Alexander Lindsay Jr., e ka peresidena i keia la no ka hookohu ana mai i kokua lunakanawai no ka aha kiekie o ke Teritore o Hawaii.