Ka Nupepa Kuokoa, Volume LXI, Number 49, 7 December 1922 — KA UKU MA KA HOOPONO I KA HANA. [ARTICLE]

KA UKU MA KA HOOPONO I KA HANA.

Ma ka Poalima aku la i hala, i piha ai na makahiki he kanaha ;'a Mr. William Chung Hoon, Sr., o ka noho hana ana me ka haiekuai o E. O Hall &. Son; a i hoike no na manao mahalo a hilina: ma kaeoao o na haku hana ame na hoa limahana o kela halekuai: ua haawi ae lakou he uwaki gula me ke kaula gula, ]>e makana no ka piha ana o kela mau makahiki loihi o kona r.oho hana ana ma kela halekuai. Elike no me na limahana e ae, a ma na oihana hoi apau, ka hoomaka mailalo loa mai o ke anuu o ke alapii, pela ko Mr. Wiliiam Chung Hoon, Sr., noho hana ana aku me ka halekuai r E. O. Hall &. Son, mai ke kulana haahaa mai, ahiki i kona hlo ana i poo no ke keena hoouna ukana o kela halekuai, a noho <-ku na kupakako e ae malalo aku ona, he kulana paakiki ia kakou na Hawaii. ke paa me ka hilinai piha ia e na haku hana. Ma ka moolelo o ko Mr. Chung Hoon, Sr., lawelawe oihana maloko o kela halekuai, he kakaikahi loa na limahana i like aku me kona ano, mai na haole a na limahana o na lahui e ae, o ia kona makaukau mau e hooko aku i ka makemake o ka poe apau e hoea aku ana maloko o kela halekuai. Aole ona nana i ka haahaa o kekahi mea, a i ke kiekie paha 0 kekahi, a i ole, ma ke ano paha o ka lahui, a hookaokoa ae oia i kana mea e hana aku ai no lakou apau, aka e eleu mau mai ana oia e halawai me ka poe e komo aku ana iloko o ka halekuai, me ka minoaka oluolu ma kona mau papalina; o keia *r.o iloko o Mr. Chung Hoon, Sr., o ke ano ia n&na i ume mai 1 na manao mahalo a makemake o kona mau haku hana iaia, ka mea i loaa ole i ka nui ame ka lehulehu o na limahana e ae. I kona hookiekieia ana ae, ma kekahi kulana i kaokoa mai kona mau hoa limahana ae, aole oia i ike i kona kau ana iluna, hoao oia e hoololi ae i kona mau ano, a i ke ano paha o kana :nau hana, koe wale no kona lawelawe ana i na hana apau o kona keena ma ke ano kuoo, a kanaka makua, me kela makee :nau iloko ona, o kana mau mea apau e hana ana, no ka pono 'a ale no ia o kona mau haku, a no ka holomua hoi o kela haleKuai. < > na hemahema e hanaia ana e ka poe malalo aku ona, aole ' i?. i lawe mai ia mau hemahema, a hoolilp i 'mau mea ano nui, hookau wale aku paha i na hoahewa ana maluna o ka mea : r>ili i*o i ka hewa, aka e hoao ana oia elike me ka hiki, e hoopau ae i ka hemahema i ikeia, me ka waiho ole aku ia īiiea imua << kona mau haku hana, no kona manaoio ina aole e hiki iaia ke hana i ka mea e pono ai ka hana Hemahema, i lawelaweia, alaila. ua makehewa kona paa ana i kekahi kulana, i hookauia rr.ai ai na hilinai ana a kona mau hak'u hana maluna ona. iloko nae o keia mau makahiki he kanaha, o kona noho hana ana maloko o kela halekuai, aole no i nele kona hoaoia e kona mau haku, no kona mau ano hoopono" Ua hoounaia oia ma na mokupuni lehulehu, no na hana pili i ka halekuai; ua waihoia aku kekahi mau hana ano nui nana e lawelawe mai; iloko ia mau hana hoao apau, ua hooko aku oia me ka pololei; ua hookomoia aku oia iloko o ke ahi, a ua oili mai ke gula oiaio. Oiai nae, aole i maopopo i keia pepa, ka t\ieahuna pili i ko Mr. Chung Hoon, Sr., kumu o ka lawelawe ana i kana mau hana apau me ka hoopono; ke manaoio nei nae makou, o kona r>i»i ana me kekahi ekalesia, kona paa ana i na kulana ko'iko'i a ano nui oloko o ia ekaleāia, o ka pohaku paepae ia ana i ku 2i, iloko o kana mau lawelawe hana ana apau iloko o kela mau makahiki loihi, ka mea nana i hoopakele ae iaia, mailoko mai 0 na hoowalewale, nana i alako aku i kekahi heluna nui o na ka Hawaii, ilalo o ka hoowahawahaia; a i kailiia ae ai ■■-••i na knlana ko'iko'i mai ia lakou aku. :ie ehia poe kanaka Hawaii e noho hana niai nei malalo o r.a hale oihana nunui o keia kulanakauhale, i hapaiia ae a kau ma rsa knlana hilinaiia elike me Mr. Chung Hoon, Sr. ? Ke manao nei keia pepa aole hookahi! Ina paha he poe kekahi 1 r-r.no hana no na makahiki i kokoke aku i ke kanaha, aole ia ma ke ano he poo no kekahi keena, e noho mana ana ma na har.a apau. aka ma ke ano limahana wale no, malalo o kekahi rrca okoa aku, no ka hooko ana i kana mau kauoha apau. ":ir- mea na kakou na na Hawaii e haaheo ai, ka ik,e ana i kekahi o ko kakou hoa lahui elike me Mr. Chung Hoon, Sr., ka hilinai piha ia e kona mau haku hana. He mea liilii loa keia uwaki gula, i haawi inakana ia aku iaia, ma ka Poalima rei. o ka mea pookela loa, o ia no kela inoa maikai, ka mea hiki ole ke kuaiia me ke dala ame ke gula, a o ka mea hiki ole hoi ke loaa i kela ame keia kanaka, a i kela ame keia wahine. O ka maka'u i ke Akua, ka makee i ka inoa maikai; o keia iho ]a no na mea ano nui e hiki ai i ke kanaka, ke lawelawe i kana mau hana apau me ka hoopono, ke kumu e haawiia mai ai na manao mahalo a na haku hana ame na hoaloha iaia; o ka hookaokoa o ke kanaka iaia iho, mai ka pohai mai o ka poe hewa. ame ka poe lalau o ke ano pauaka, pela wale no e hiki «i oia e lanakila ma kana mau hoao ana apau, e lilo i kanaka hilinaiia. E lawe mai kakou i ka moolelo o ko Mr. Chung Hoon, Sr., laweiawe oihana ana, i kumu hoohalike, a i kumu alakai no na kanaka opio o keia mua aku, e hahai ai, me ke kanalua ole i keia pepa ke olelo ae, na ka hoopono auanei o ka lakou mau lawelawe hana ana, e hapai ae ia lakou mai na anuu haahaa mai. ahiki i ke kau ana ma na kulana kiekie, na kulana, i loaa mua ole ia kakou na Hawaii. Ma ka aoao o ke Kuokoa, ke haawi aku nei ia i na hoomaikai ana ia Mr. Chung Hoon, Sr., no ka hiki ana iaia ke paa i kona kulana. maloko o kekahi hui oihana kahiko loa o keia ki:ianakauhale, me ka hilinai nui ia; a ke kalokalo ae nei keia :»epa. e hoomauia aku kou paa ana ia kulana, no kekahi mau makahiki loihi hou i koe. —