Ka Nupepa Kuokoa, Volume LXI, Number 49, 7 December 1922 — E HOOMAU AKU I KA HANA MAIKAI E PONO AI. [ARTICLE]

E HOOMAU AKU I KA HANA MAIKAI E PONO AI.

Ma ka Poakolu o keia pule ae, e hoea mai ai i ka ohi ana o ka poe i komo iloko o ke Kalapu Hoahu Karisimaka, i kekahi mau huina da!a mahuahua. elike me ka nui o ka lakou mau dala, i hoahu mau ai i kela ame keia pule, a hoea mai i ka pule hope o ka mahina aku la o Xovemaba i hala. E hoounaia aku ana na kikoo dala hanako, i ka poe apau i iiio i mau lala, no ke Kalapu Hoahu Karisimaka o keia makahiki e aneane aku nei e pau; a ma ka pule elua o ka mahina o ianuari o keia makahiki ae, e iioomaka hou ai ka hoahu ana, no ke Kalapu Hoahu Karisimaka o ka 1923. N Aia he heluna nui o ka poe i komo iloko o ke kalapu hoahu 0 keia makahiki, e kauka'i aku nei, o ka loaa mai o kela mau •Ja;a. alaila hoomaka aku ke kuai ana, i ka lakou mau mea 1 makemake ai, no keia mau la kulaia ano nui o kakou e hoea niai ana ? o ia ke Karisimaka ame ka Makahiki Hou. Xo ke kaohi ana mai nae, i kekahi heluna nui o na Hawaii, :r.ai ka hoolilo ana aku i ka lakou mau dala apau loa o ka hoahu ana. no ko lakou mau makemake iho iloko o keia mau la, ua kmoia mai makou, e uwalo aku elike me ka hiki, e hoao e hookoe i kekahi hapa o kela mau dala, no kekahi mau mea oi loa aku o ka pono, ma ka hoihoi ana aku a hoahu kaokoa, ma ke keena hoahu liilii o ka banako.

E loaa ana ma kahi o ka elua haneri me kanakolu dala i ka poe i hoahu ma ka elima dala o ka pule, he hookahi hanei i me kanawalu a oi dala, i ka poe i hoahu he eha dala o ka pule, pela ke emi ,mai, o ka huina dala e loaa aku ana elike me ka huina i hoahuia ika pule. Ina oka hapalua o kela mau dala, e hookomo hou ia aku, ma ke keena hoahu liilii, a o ka hapalua, ke hoolilo no na makemake o keia mau la kulaia, e hoea mai ana i ka la e ikeia ai ka waiwai o kela mau dala i hoahu hou ia aku, ina aole ma ke kala ana ae i kekahi mau pilikia i maopopo mua ole, aka ma kekahi mau ano lehulehu e ae he nui. E ole keia Kalapu Hoahu Karisimaka, loaa ai he waihona no kekahi heluna nui o kakou na.Hawaii, iloko o keia mahina hope o ka makahiki. O kakou kekahi lahui maa ole ika hoahu dala, a i ka malama dala ma ke ano hoomakaulii; aka nae ua ike maoli kekahi poe Hawaii, i na pomaikai o keia Kalapu Hoahu Karisimaka; a oiai he anuu mua wale no kela no ka noho ulakolako ana, ame ka nohona kuonoono ana, e komo aku kakou i ke anuu elua o ka hoahu ana; he wahi hana ano paakiki no paha i kinohi, aka nae i ko kakou maa ana aku, e ike iho auanei kakou, aole loa i lalau keia mau a'o ana a ke Kuokoa, aka ua kokua nui aku ia, e lilo na Hawaii apau, i poe kuokoa o ka noho ana ma keia mua aku. Ua makaukau ka Banako o Bihopa ma, o ke keena hoahu liilii, e lawe aku i hookahi dala, a pii aku iluna, me ka uku ana i eha pakeneka puka o ke dala no ka makahiki; a nani loa hoi, ina maluna aku ka huina e hoahuia ana. He hookahi mea hemahema e ikeia nei iwaena o ka kakou noho ana, ko na kanaka Hawaii, o ia no ka noho hoopili wale, a noho hoolimalima aku malalo o na lahui e, me he poe malihini loa la kakou, maluna oko kakou aina ponoi. E hoea mai ana nae i ka la e hoopauia ae ai keia noho hoopili wale ana aku malalo o ha'i, ina e laweia aku ana keia mau a'o ana a ke Kuokoa, o ia hoi, e waiho hou aku i kekahi mahele o na dala e hoounaia mai ana ma keia pule ae, a e lilo ia huina, i hoomaka ana, no ka hoomauia aku o ka hoahu ana, ahiki i ka wa e mahuahua kupono ai, no ke kuai ana i aina, a i home e noho ai. O keia ka hoahu pookela loa, ua loaa maoli he noho kuokoa ana i kekahi poe o kakou i kela la, ma keia ano iho la; oiai no nae mai ke Kalapu Hoahu Karisimaka mai no i hoomaka mai ai i kinohi, aka no ka poe hoomaopopo ole maoli no i ka waiwai o ia mea he dala, a he hoomakaulii ana, ke mau nei no ko lakou noho nele, elike ;io me kela manawa, mamua aku o ko lakou komo ana iloko o ke Kalapu Hoalui Karisimaka. Ke hoao mau nei ke Kuokoa, e alakai aku ia kakou na Hawaii, ma na alahele apau e hookaoka ae ai i keia lahui kanaka, mai na mea i ikeia iloko o na makahiki loihi aku nei i hala, me kela manaoio mau, o ke alahele wale no ia e loaa ai he nohona kuokoa i keia lahiii ma keia mua aku, a e pau kela kauka'i wale ana aku, malalo o na kokua ana mai a na ohana ame na makamaka. —