Ka Nupepa Kuokoa, Volume LXI, Number 49, 7 December 1922 — Nuhou Kuwaho [ARTICLE]

Nuhou Kuwaho

WAKINEKONA, Dec. 4.—Ua hiki ole i ka ahaolelo kuikawa ke hooiaio i ka hookohu ana aku ia Lunakanawai Alexander Lindsay Jr., i kokua Lunakanawai no ka Aha Kiekie o Hawaii, ua hoopatiesia a ke kau mau. WAKINEKONA, Dec. 4.—Ua waiho ae na enekinia o ka oihana kaua i ka lakou hoike i aponoia i ka ahaol«lo no na hoolilo iloko o keia rifeMhiki ae no na muliwai, na awapae ame na alawai e ae he $71,515,410, komo pu no ke awa o Honolulu $150,000, no ke awapae o Hilo $374,000 a no Nawiliwili $300,000. CORK Dec. 4.—Ua hoohanaia aku na mokuea i keia la no ka manawa mua loa ma ka lele ana aku e ku-e 1 na koa pualu kipi Ailiki. He kanaono'o ia mau koa pualu kipi e pee ana maloko o na nahelehele ma kahi kokoke i Drimoleague i make i na poka pahu mai ka lewa iho a ua manaoia ua make lakou apau loa. SEATTLE, Dec. 4.—Ua haawi makanaia aku i keia la i ke Kapena F. H. Pearson o ka moku West Ivan, i ka manawa a ia. moku i hoopakele ai i ke kolu o ka moku Fukui Maru i piholo ai i ka moana iloko o ka 1821, he kiaha dala e ka hui mokuahi Uchida. NU lOKA, Dec. 4.—Ehiku mau kanaka, komo me elua mau makai, hookapu waiona i hoopai paahaoia i keia la, elua makahiki e noho ai i ka halepaahao federala. Ua ahewaia lakou no ke pani ana 160 barela ginger ale ma kahi o ka rama waiseke. BELGRADE, Dec. 4.—Ua haalele ke kuhina nui Pachit o ka lahui Jugo Slav me kona aha kuhina i ko lakou mau kulana hana. Ua aponoia e ka Moi Peter ka lakou waiho ana mai 1 ka hana a ua noi aku nae e hoomāu aku lakou i ki hana ana ahiki i ka loaa ana o ka aha kuhina hou. WAKINEKONA, Dec. 4.—Ua hoikeia ae mai ka Hale Keokeo ae i leeia la e haalele iho ana ka Peresidena ame Mrs. Harding ia Wakinekona nei no ka hele ana aku e hoomaha maho,pe iho o ka hoopanee ana o ka ahaolelo i keia makahiki ae.