Ka Nupepa Kuokoa, Volume LXI, Number 49, 7 December 1922 — PAUAHO MAI O R. W. AYLETT KEIA OLA ANA. [ARTICLE+ILLUSTRATION]

PAUAHO MAI O R. W. AYLETT KEIA OLA ANA.

Mahope iho o ke kaama'i ana no k-ekahi niau mahina ae nei i hala, i pauaho mai ai o Remigius Wiliiam Aylett i keia ola aua ma ka hora 2:30 o ka auwina la o ka Poakolu 0 ka pule aku nei i hala, ma kona home nolio ma ke Alanui Umi, Kaimuki. Ua hoihoiia ae kona kino wailua maloko o ka hale waiho kupapau o Willjams ma ke alanui Nuuanu, a ma ka hora 1 o ka auwina la Poaha mai, i weheia ai no ka ike hope ana aku a ka ohana i kona helehelena, a ma ka hora 3:45 p. m., i nialamaia ai ke anaina haipule maloko olaila, alaila hoihoiia aku noloko o ka hakpule Kakolika, no na hana haipule hope; alaila ka'i aku la ka huakai hoolewa, no ka ilina ma Koula, a hoi aku la ka lepo i ka lepo, a o ka uh&ne i ka Mea Nana i hana mai. Ua hanauia o Mr. R. W. Aylett ma Honolulu nei, ma ka la 25 o ka mahiua o Okatoba o ka 1856; nolaila iaia i haalele mai ii i keia ola ana, ua piha iaia na makahiki he 66, 1 mahina me 4 la. Ua waiho iho oia mahope nei he wahine kane-make am« ka laua ohana keiki, oia o Mrs. Alfred L. Williams, kumukula ma ke kula Liliuokalani; William I. Aylett, e noho mai la ma Los Angeles; Henry F. Aylett, o ka halepa'i Mercantile; James Avlett, keena o ka puuku kalana; Jackson Aylett, haumana kula; Mrs. John Walhvorks, Miss Agness Aylett o ka hale waiho buke o ke aupuni; Miss Elizabeth Aylett, kumu no 'ke kula ma Wahiawa, Miss | Aliee Aylett, o ke keena humu buke [o ka Advertiser; Miss Nina Aylett, haumana ma ke kula a'o kumu. I Mawaho ae o kana mau keiki, he- ■ kaikuahine kona oia o Miss J. Aylett, |ke poo o na \vahine malama o ka j halewai. He hoa kahiko loa o R. W. Aylett I noloko o lea Bana Hawaii, a he mau manawa lehulehu kona i holo ai i Amerika, ma na manawa a ka bana e holo ai i ka aina makua. I ka manawa i kaa mai ai ka Baua Hawaii, malalo o ka malu o ke aupuni kulanakauhale, ua 'pau kona nolio hana ana iloko o ka bana, mo ka loaa nae o ka ukuhoomau iaia, ahiki wale no i kona pauaho ana mai i keia ola ana. No kekahi manawa, ua kohoia oia 1 hoa no ka papa o na lunakiai o ke Kulanakauhale a Kalana o Honolulu nei,.a he mau kau ekolu kona komo ana iloko o ka ahaolelo kuloko, ma ke ano he lunamakaainana, mai ka apana eha mai. Ma na hana kalaiaina, o Mr. Aylett kekahi o na kanaka Hawaii i ike nui ia, a ua lilo no hoi kana mau kuHikuhi ana ame na hoakaka manao ana, no ka holomua o kekahi mau hoonee kalaiaina aha, i mea nanaia aku e kona mau hoa. Mamuli o kona mau ano oluolu, ame kona launa mau me na kanaka ma na hana like ole, ua nui a lehulehu kona mau hoaloha, a ua lilo kona hala ana aku ma kela ao, i mea e hookaumahaia aku al ko lakou noonoo; aka nae e lilo ana no na hana maikai apau a Mr. Aylett, i mau kiahoomanao iloko o lakou.

R. W. AYLETT