Ka Nupepa Kuokoa, Volume LXI, Number 49, 7 December 1922 — Ku ka Ahahui Kahekili ma ka Moku o Kama O Kela Iho la ka Eha o na Ahahui o Kamehameha i ku ma Hawaii Nei NA KOONEI POE I KUKULU I KELA HUI Kohoia na Lunanui o ka Hui Maiwaena Mai o ka Poe Kupono o ka Aina [ARTICLE]

Ku ka Ahahui Kahekili ma ka Moku o Kama

O Kela Iho la ka Eha o na Ahahui o Kamehameha i ku ma Hawaii Nei

NA KOONEI POE I KUKULU I KELA HUI

Kohoia na Lunanui o ka Hui Maiwaena Mai o ka Poe Kupono o ka Aina

Elike me ka nee ana o ke au o ka nunawa, pela iho la ka nee malie ana o ka Ahahui Kamehameha, a ma ke ahiahi o ka Poaono aku la i hala i kukuluia ae ai ka Ahahui Kahekili, he ahahui lala no ka Ahahui Kameha.meha, ma Wailuku, Maui me ke kohoia ana o na lunanui o kela ahahui pela hoi ke komo ana he heluna nui o na Hawaii, he mau lala. No ke kukulu ana i kela ahahui lala hou o ka Ahahui Kamehameha, i haalele iho ai kekahi mau lala kahiko o ka Ahahui Kamehameha ia Honolulu nei, ma ke ahiahi o ka Poalima aku nei i hala, a ma ke kakahiaka o ke Sabati .mai, i hoea mai ai lakou no keia kulanakauhale. O ka poe o Honolulu nei i holo aku no ko kukulu ana Ahahui Kahekili o Maui, oia ka Lunakanawai J. E. Desha, John C. L&ne, Oscar P. Cox, W. Chung Hoon, Jr., Edward Wongham, B. N. Kahalepuna, Andrew I. Bright, Eeuben Kinney, J. K. Mokumaia ame Kapena Louis S«lf. O na lunanui i kohoia o kela ahahui no keia nee ana aku, ois o William E. Bal, peresidena; Clem C. Crowell, hope; Frank Kalua, kokua ope; Carl F. Eose, kakauolelo; Charles Wileox, puuku; William Hoopii, kiai; Stephen Lake kahuna.

I keia manawa, ua ku ka Ahahui Kamehameha, ma na mokupuni eha, o ia hoi ma Oahu nei, ka Ahahui Kamehameha, a o ka ahahui poo no hoi ia; ka Ahahui Mamalahoa, ko ka Mokupuni o Hawaii, ka Ahahui Kaumualii ko ka Mokupuni o Kauai, a o ka Ahahui Kahekili, ko ka Mokupuni o Maui. ♦+*