Ka Nupepa Kuokoa, Volume LXI, Number 50, 14 December 1922 — O HORNER KEKAHI MEA NOI I HOPE LUNA AUHAU NO KAWAIHAU [ARTICLE]

O HORNER KEKAHI MEA NOI I HOPE LUNA AUHAU NO KAWAIHAU

Mai Kapaa, Kauai mai, kekahi lono o ka loaa ana ae i ka Honolulu Advertiser e hoakaka ana o W. P. Horner kekahi mea noi no ke kulana hope lutia auhau no ka Apana o Kawaihau i hauwawaia ae, oia ke kolu o ka poe noi »d ia kulana hana, a me he mea la e i hou ak\l no paha ua mea noi, oiai aole i hoopihaia aku ka makalua i hoomakahakaia e Harold T. Barclay, ka hope luna auhau mua i waiho aku ia kulana aneane eono mahina i hala aku. Ma ka oleloia o Nicholas K. Hoopii ka ka luna auhau nui Carlos A. Long kanaka i makemake ai i hope luna auhau no ka Apana o Kawaihau, a o N. Msunaga hoi ka ke kalapu Repubalika o Kawaihau o ke kakoo ana ae no kona aponoia aku, nae aole mea hookahi i hookohuj ia aku ahiki mai i keia pule iho la. Ma ka hoaka-Ka a ka poe e ku-e ana ia Homer no kona kupono ole e hookohuia aku no ia kulana, he lunahoohana nui o Mr. Horner no ka t>anako lala o ka Banako o Hawaii ma Kapaa, a no ia hana e hiki pono ole ana iaia ke lawelawe me ka kupono i makemakeia no ka hanā aurhau. Ua hoakaka pu ia ae o Mr. Barclay i lawelawe ai i ka hana ohi auhau no ka Apana o Kawaihau no k&kahi mau makahiki he puuku haawi dala pu no oia no ka hui mahiko o Makaweli ma Kealia ame he mef?l Ia no ia kumu no paha oia i waiho ai i ka hana ohi auhau. No N. K. Hoopii, he hoa oia no ka hale ahaolelo ma ke kau i hala, a oia kekahi i lawe i na aina hookuonoono ma Kapaa. Ua hoao oia e holo no ke senate he mau mahina aku la i hala, a ma ka oleloia mamuli o ka hoohikiia ana ae e loaa ae ana iaia keia hana ohi auhau i huki hou ai oia i kona inoa. Ē hoakaka ana keia lono o ka loaa ana ae i ka uluku o na noonoo o ko Kapaa mau niakaainana no ke ulolohi loa o ka hookohuia ana aku o ko Kapaa luna ohi auhau e ka puuku o ke Teritore. Eono mahina i hala mai ko Mr. Barclay manawa mai o ka waiho ana i ka hana, he | manawa lawa loa e loaa ai kekahi i kanaka hou ma kona wahi, eia nae, aohe i loaa iki ahiki i keia pule iho la.