Ka Nupepa Kuokoa, Volume LXI, Number 50, 14 December 1922 — Holo Mahuka he Paahao Mai ka Halepaahao Aku Manao na Kanaka o ke Aupuni Aole e Loihi Kona Hele Ana me ka Lanakila MAU MANAWA KONA I HOLO MAHUKA AI Hookahi Manawa i Mahuka Ai Oia Oiai Kona Loio e Hoihoi Mai Ana Iaia [ARTICLE]

Holo Mahuka he Paahao Mai ka Halepaahao Aku

Manao na Kanaka o ke Aupuni Aole e Loihi Kona Hele Ana me ka Lanakila

MAU MANAWA KONA I HOLO MAHUKA AI

Hookahi Manawa i Mahuka Ai Oia Oiai Kona Loio e Hoihoi Mai Ana Iaia

Ma ka Poalua iho nei i holo ma- j huka aku ai mailoko aku o ka halepaahao o Akoni Aki, a ua lilo i hana nui na ka oihana makai, ka huli ame ka makaala ana iaia. Ua ahewaia o Akoni Aki, no kekahi mau hewa aihue ana i lawelawe ai, pela hoi ka hoopuka ana i na bila kikoo dala apuka, eia nae he ekolu o na hihia lioopuka i na kikoo dala apuka, ke waiho mai nei no ke kakali ana ahiki i ka pau ana o ka hoopa'i no kona mau hihia mua. Ma ka olelo a na makai, ma ka pule aku nei i hala, ka manawa mua loa a Akoni Aki o ka holo mahuka ana mai ka halepaahao aku, mamuli 0 kona pee ana ma kekahi wahi, maloko o ka pa o ka halepaahao, a mahope mai, i pinana ai oia a hemo mawaho o ka pa. Ma kekahi la mai nae, i ka wa a na makai i hookolo aku ai mahope ona, ua loaa aku la oia e noho ana ma kona home me kona ohana. Ua paa oia i ka hopuia, a hoihoi hou ia ae no ka hoopaa ana maloko o ka halepaahao. Ma ka Poalima aku nei ka i hala 1 kamailio aku ai o Akoni Aki i kona loio, e hele pu laua no kona home, no ke kii ana i kekahi huina dala, no ka hooponopono ana i kona bona, o ka mea apifc| i ka /hoea ana aku i ka hale aple be dala i loaa i ka loio, no kela kumu, ua hoihoi hou mai la oia ia Akoni Aki maluna o kona kaa no ka halepaahao. ■ Oiai ka ma ke alahele e hoea aku ai i ka halepaahao, ua lele aku la o Akoni Aki, mailuna aku o ke kaa otomobile a holo, me ka noonoo ole mai i ka hoaa o kona loio. Ua hoikeia mai kela holo mahuka hou ana o Aki, i na makai; a oiai ua kamaaina na makai i ka hoi mau 0 Aki no kona home ma Waialua, nolaila ua hoikeia # aku la ka lohe 1 ka Hope Makai Nui Plemmer o ■ Waialua, e makaala aku iaia, o ka mea i ikeia, o ia no kona paa hou ana mai i ka-hopuia ma kekahi la ae, a hoihoiia ae noloko o ka halepaahao. Elike nae me ke ano mau o ka poe kolohe apau, aole he hiamoe o ko lakou noonoo, pela iho la o Akoni Aki i kakali malie ai, a i kona ike ana ua malu ke kula, aohe lele pueo, o kona holo mahuka hou no ia ma ka Poalua iho nei.