Ka Nupepa Kuokoa, Volume LXI, Number 50, 14 December 1922 — ULU NUI KA AHAHUI KU-E I NA HANA HOOMAINOINO [ARTICLE]

ULU NUI KA AHAHUI KU-E I NA HANA HOOMAINOINO

I kulike me ka hoike a na luna nui o ka Ahahui Ku-e i na Hana Hoomainoino kuloko o ka hoopukaia ana ae ma ke akea, mai ka manawa mai o ka halawai mua ana o ka Ahahui Amenean Humane ma Kalivilana, ma ka la 9 o Okatoba, 1877, ua ulu nui ae ia ahahui ahiki i ka piha ana he 500 mau ahahui o keia ano maloko o Amerika i keia la a ke hana mau mai nei i na hana i koiia ma kona mau kumukanawdl ame na kanpwai. Ma ka manawa o ke kukuluia ana 0 ka ahahui o ka hoopakele ana i na keiki ka hana kumu i hookahua-" ia ai, no ka hoopaiiele ana i na holoholona mai na hana hoomainoino wale, he hana ia i lawelaweia he manawa kokoke maloko o ka lioike. O ka manawa mawaena o ka hoomakaia ana e kukulu ame keia manawa ua paa mau i ka hana me ka hoonui ia aku o ka lawelaweia ana e. hoopakeleia ai na keiki ame na holoholona mai na hana aloha ole ae. O na loaa makahiki o na ahahui ua pii mau aku ia a oi aku maluna o ka miliona dala. He lehulehu na paahana ukuia o keia mau ahahui me na limahana, kokua wale mai. ī.ehulehu na hale i onaia e na ahahui no lakou ka waiwaiio he mau miliona dala. O na dala i hoahuia mai no na waihona o na ahahui no na hana e pono ai na ahahui ua oi aku maluna o ka eha miliona. O ka hana nui ko 'ikoi a na ahahui 1 lawelawe mau ai a e hana mau nel o ia no ka hoopakele ana i na pono o na keiki me ka haawi ana i manawa kupono ia lakou e hakaka aku ai i ka lakou kaua no ko lakoii ola ana. O ka hoopakele ame ke kiai ana i ka pono o na holoholona kekahi hana maiaala a na ahahui.