Ka Nupepa Kuokoa, Volume LXI, Number 50, 14 December 1922 — HE MILIONA DALA A OI AKU KA I MAKEMAKEIA NO NA HALEKULA [ARTICLE]

HE MILIONA DALA A OI AKU KA I MAKEMAKEIA NO NA HALEKULA

No ke kukulu aiia i mau halekula hou no ka naokupuni o Oahu, ka hoomaemae ame ka malama ana, ka ukuhana o na kanaka na lakou e malama a e hoomaemae ia mau halekula, na lako o ia mau lialekula, na hale, na rumi no na papakula me na lako apau o ia mau halekula ame Ha kahua hou me na hana hou, he huina nui makolukolu o $1,000,000 a oi aku ka i makemakeia no na makahiki elua 1924-25, hui pu me $200,000 a oi no na hale hou, na lako hale, na ukuhana o na kanaka na lakōu e malama, na lako mea hana, na kahua hou me na hana hou. O keia ka mea i hoopaaia maloko o ka hoike i hoomakaukauia e ka lunanana hale o ke aupuni kulanakauhale Louis 8. Cain no ka Meia John S. Wilson, elike me ia o ka hoikeia ana ae. I keia manawa he 540 wale no mau fumi no na papakula, a he 51 mau rumi kula a na Kepani i laweia ae e ke aupuni kulanakauhale ame kalana, elike me ka hoakaka mal'oko o ka hoike i hoomakaukauia, a ua pihaku'i wale no nae ia mau papakula i na keiki, o ke emi loa he 50 haumana iloko o ka rumi kula hookahi, oiai nae o ke 35 ka lawa kupono noloko o ka rumi hookahi. No ka ikeia ana o ka pihaku'i o na halekula ame ka pii mau aku o ka nui o na haumana i kela ame keia hapaha kula malok.o o na halekula maloko o ke kulanakauhale, wahi o ka hoakaka maloko o ka hoike, he 85 ka nui o na rumi no na papakula hou i makemakeia no leeia komo hou ana aku o na kula. He hana maa mau, wahi o ka hoakaka maloko o ka hoike, iloko o ka manawa e hanaia ai na haawina dala no na halekula, hookahi wale no halekula e kuiuluia i ka makahiki, aka nae, mamuli o ka ulu nui o na keiki maloko o ke kulanakauhale he mea pono ka hoomahuahua ana ae i ka haawina dala. Ina no ka hoololi ole ia o ka papa kuhikuhi i hoomakaukauia elike me ia e ikeia ana malalo nei e ka papa o na kula, alaila e ku ana ia pela: Manawa o Elua Makahlki 1924-25 Na hale hou $ 609,200 Hoomaemae me malama ana 81,000 Na ukuhana o na kanaka malama halekula 92,000 Na lako meahana a na kanaka malama hale 9,500 Lako o na ha"le me na rumi kula • 68,000 Na lua liilii 20,000 Na kahua hou me na hana hou 182,680 Huina $1,062,380 Haawina Kuhao Na hale hou, na paku'i ame hana hou. $18,3,400 Lako hale, na rumi papakula 14,064 Lako hale, no na hale 5,731 Ukuhana o na kanaka malama hale 1,120 Na lako meahana a na kanaka hana 400 Na kahua hou me na hana hou 9,500 Huina $216.215 -M-