Ka Nupepa Kuokoa, Volume LXI, Number 50, 14 December 1922 — E HOOMANAO MAI I KE OLA O KA PEPA [ARTICLE]

E HOOMANAO MAI I KE OLA O KA PEPA

Ua kokoke loa mai kakou i ka hopena o keia makahiki, ma ka la hope o ka mahina o Dekemaba nei, e pau ai ka hookaa ma. a ka poe i uku mai i ka lakou nupepa, a no keia nee ana r.ku o ka makahiki 1923, e hoomaka ana ka uku ana, ma ka la mua o ka mahina o lanuan ae nei. He mau leka hoohalahala lehulehu ka na makamaka i hoouna mai ai i keia keena, no ka loaa ole aku o ka lakou nupepa no kekahi mau pule; ma ka huli ana aku nae iloko o na pepa hoomanao ame na buke i maopopo ai, ua noho aie kekahi poe. no kekahi mau makahiki. o ke kumu nui iho la ia o ka paaia ana o ka hapanui o na nupepa a kela poe hoohalahala. Aole o makou makemake e iioonele aku i ka poe heluhelu i ka lakou nupepa i kela ame keia pule, aka nae, i ko makou kakali ana aku me ka hoomanawanui, me ka noonoo ole mai .» kekahi poe i noho aie, a hala kekahi manawa loihi, ua konoia ma: makou e hoopau i ka hoouha hou ana aku i ka nupepa na lakou. ahiki i ka hokaaia ana mai o ko lakou aie kahiko. 0 ka makou e kauleo aku nei, ma ka hoomaka ana aku o keia makahiki ae. e hoao kela ame keia mea lawe, pepa e hookaa mua mai i kana nupepa, ina no na mahina eono, a i ole no ka makahiki holookoa paha, no ka mea pela ka rula paa o ka nupepa, he ukumua. aole o ka lawe mua i ka nupepa. a māhope e hookaa mai ai. He elua dala me ka hapalua, ka uku no ka makahiki holo«'koa o ke Kuokoa, a he hookahi dala me ka hapaha, no na mahina eono; me keia loli nae o ka auhau o ka nupepa, he nui ka poe i uku mai, he elua wale no dala o ka makahiki, a he iiopkahi dala no na mahina eono, mamuli mai paha keia o ka maa i kela auhau kahiko o ka nupepa. mai kinohi mai; e pau nae kela pohihihi e pono ai, ua loihi maoli keia manawa o ka hoonaauao ana, e maopopo ai ka uku oiaio o ka nupepa no ka makahiki. 1 ka hoouna ana mai no hoi i na hookaa dala, e hoouna pololei mai ma ka inoa o ka Advertiser Publishing Co., Ltd.,

a i ole, ma ka inoa o ka Nupepa Kuokoa, aole ma ka inoa o ka lunahooponopono o keia pepa; aole paha no ka pilikia o ka hana ana pela, aka i ole ai e loaa na hoohihia a mau hoohuikau ana ma kekahi ano, aka e kaa aku ke ko'iko'i o ka ohi ana mai i na dala apau maluna o ka hui pa'i nupepa, aole ma ka inoa o kekahi limahana.