Ka Nupepa Kuokoa, Volume LXI, Number 50, 14 December 1922 — AHEA NO HOI HA'O NA ULIA KAA [ARTICLE]

AHEA NO HOI HA'O NA ULIA KAA

Ma ka Poalua iho nei i hoopuka ae ai ,ke kiure koronelo nieniele kumu make, no ka pili o ka hewa lawe ola i kekahi kiakaa kalaka, mamuli o ka hooku'i ana aku o kona kaa, me kekahi keiki Kepani e holo ana maluna o kona kaa haikikala. a o ka hopena i ikeia ma kela hooku'iia ana aku, o ia no ka make ana o ke keiki Kepani, he elua la mahope mai o ka loaa ana i ka ulia. - Ahea no hoi ha'o mai na ulia kaa otomobile! Iloko oka makaala mau o ka oihana makai. i ka-poe holonui ame ka poe oki pokole ma na kihi, i ka wa e hoohuli ai i na kaa, aole wa e nele ai ka loaa o na ulia. Malia paha i hoaano na kiakaa o na kaa kalaka ame na kaa otomobile i ka mama loa o ka hoopa'i e kauia aku ana, maluna o ka poe i ahewaia; ina he kanono ka hoopa'i me ka noho iloko o ka halepaahao no kekahi mau mahina, malia pela paha e noonoo ai na kiakaa i ke no o ka hOoholo ana i ko lakou mau kaa, no ka maka'u o loaa ole auanei ia lakou, he hele lanakila hou ana. Ua lilo ma'uwale he mau ola lehulehu, mamuli o na ulia kaa otomobile, o ke kumu mai. he ku maoli no i ka hookiekie, ka haakei ame ka hookano, na kiakaa, e hoolilo ana i na alanui me he mea la o lakou na haku maluna o ke alanui, oiai nae he like fiō ke kuleana o ka poe e kau o na.kaa, me ka poe helewawae ma na alanui o ka lehūlehu. Ina nei no ka pili o keia kiakaa i ka hewa, e hoopa'i hoopaahaoia oia e pono ai, no ka haawi ana i kekahi haawina a'o maikai loa. aole iaia wale no, aka i na kiakaa otomobile apau, i wahi no lakou e akahele ai ka hooholo ana i ko lakou mau kaa ma na alanui.