Ka Nupepa Kuokoa, Volume LXI, Number 50, 14 December 1922 — KA AHAHUI KAHEKILI O MAUI [ARTICLE]

KA AHAHUI KAHEKILI O MAUI

Ma ka pule aku la i hala i kukuluia ae ai ka Ahahui Kahekili ma Maui, kekahi o na hui lala o ka Ahahui Kamehameha. a o ka ekolu hoi o na ahahui lala i kukuluia ma na mokupuni ano nui o kakou. j Akahi a kohu pono iho la ua loaa na ahahui lala o ka Ahahui Kamehameha ma na mokupuni, mawaho aku nei o Oahu, o ka mea i oi loa aku ai ka maikai, o ia no ke ano Hawaii iloko o keia mau ahahui, a o ka mea oi aku, o ia ke kapaia ana o ka inoa o na alii kahiko o Hawaii nei. He ahhui kahiko loa ka Ahahui Kamehameha e ku nei, he hope wale ae nei no na ahahui ma na inoa haole, ua oi aku ka nui o na Hawaii i komo iloko o kela mau aha'nui; nolaila e lilo ka poe he mau lala no kela mau ahahui i keia wa, i poe hooikaika, ma ka hookomo ana mai i na Hawaii iloko o kela mau ahahui; o ko lakou ahahui oiaio ia, aole o na ahahui malihini, i kukuluia ae e na haole. I ke ku ana o kela ahahui hou, e makee kona mau lala i ka ahahui, ma ka malama ana i na kanawai ame kona mau rula hooponopono; e hele ma na halawai i maopopo ai ke kulana 0 ke ku ana o ka ahahui. Ile rriea hoopakele ka ahahui i kona mau lala, i ka wa o ka pilikia. he mea kokua'aku ka ahahui i kona mau lala, ma ka hapai ana ae e kau ma kekahi mau kulana, o keia no ke kumu 1 kukulu ai na haole i mau ahahui no lakou, no ka ike, aia he mau pomaikai mai ka ahahui niai ma na ano like ole. E hoomaikaiia na keiki o Maui, no ke ku ana o ka Ahahui Kahekili, o ka keia pepa e kalokalo ae nei, e mau aku ke o ana 0 kela moto kaulana o "Maui »jo ka Oi." ma ke. ku ana aku o kela ahahui, ma ke kulana kanaka makua, me ka ikaika ma kona mau aoao apau. E piha malihini mai ana ke kulanakauhale nei, ma keia Poaono iho: akahi nae a ikemaka kekahi poe hanohano o Amenka i ka nani ame ke kaulana o ka Paredaiso o ka Pakipika; e kau aku nae ko kakou mau manaolana. ma o keia mau malihini kaahele honua la, e hooiia aku ai ka ikeia mai o Hawaii nei, ma keia mua aku. Ua laweia mai ka lohe e hoike i keia keena, no ka mo'a kolekole o na puaa o Kalihi. i kaluaia ai no ka ahaaina luau a na Demokarata ma ka Poaono aku nei i hala. O ia la hoi'ka olelo kaulana a kahiko: "O ka hele no ia o ke kolekole a kahi nui oka wahie.' 1 Heaha iho la keia hoailona ena kuhikuhipuuone kalaiaina? • Ke hamau mai nei no na mea e pili ana i ke kakauolelo a ka Elele W. P. Jarrett e holo aku ai no Wakinekona, aohe wahi mea a puapua'i iki mai. Ma ke ano auanei o ka mea e kohoia 1 ae ana i kakauolelo, e maopopo ai ke kulana o ka elele no I keia mua aku. | — Eia no pa komisina 4 v limahana- mai Wakinekona mai, ke nianinau pono mai nei i ke kulana oiaio o ka ninau limahana maanei nei; ke manaolana nei keia pepa, o na mea oiaio wale no ka lakou e hoike aku ana i ka ahaolelo lahui, aole o na manao i hookomoia aku iloko o lakou, e na lala o na.hui uniona ma Hawaii nei.