Ka Nupepa Kuokoa, Volume LXI, Number 50, 14 December 1922 — Make he Kepani no ka Hooku'iia Ana e ke Kaa Hooili na Kiure Koronelo i na Ahewa Ana Maluna o ke Kiakaa o ke Kaa Kalaka HOPUIA OIA NO KA HEWA LAWE OLA No ka Hoohuli Pokole i ke Kaa ma ke Kihi o ke Alanui ke Kumu Pilikia [ARTICLE]

Make he Kepani no ka Hooku'iia Ana e ke Kaa

Hooili na Kiure Koronelo i na Ahewa Ana Maluna o ke Kiakaa o ke Kaa Kalaka

HOPUIA OIA NO KA HEWA LAWE OLA

No ka Hoohuli Pokole i ke Kaa ma ke Kihi o ke Alanui ke Kumu Pilikia

Ma ka Poakolu o ka pule aku nei i hala i hooku'iia ae ai he keiki Kepani o 14 makahiki, nona ka inoa o KaBumasa TVada, e ke kaa kalaka e hookeleia ana e J. W. Lam,b, a o ko hopena i ikeia, o ia no ka make ana o kela keiki Kepani, he elua la mahope mai. 0 kahi i loaa ai kela ulia, ma ke alanui Beritania me ke alanui Maunakea, a ma ka noho ana ae o ke kiure i kana olelo hoholo, ma ke a noonoo i ke kumu i make ai o ke keiki Kepani, i hoopuka ae ai kela kiure i kana olelo hoohoo, ma ke kakahiaka o ka Poalua nei, e hooili ana i na ahewa ana maluna o Mr. Lamb. Ma na hoike i ninaninauia, ma ka wa e noho ana kela kiure koronelo, ua ikeia ua kaa ka hewa ma ka aoao o Mr. Lamb, ke kiakaa e hookele ana i ke kaa kalaka, no kona hoohuli pokole ana i kona kaa, ma ke kihi o ke alanui. Ma kela manawa i hohuli ai o Mr. Lamb i kona kaa kalaka, e holo ana o Wada maluna o kona kaa balkikala, ma ka aoao akau o ka hooku'iia aku la no ia o ke kaa baikikala, a pii aku la na o ke kaa kalaka, maluna o ke kino o ke keiki' Kepaai. . ī~}pi!iia: : -.ai me ka holk® i paa i ka oihana. makai, e holo a,na o Mr. Lamb ma kona kaa kaloka, ma ke alanui Beritania, mai ka aoao Waikiki mai, ma kona aoao akau, a e holo mai ana hoi o "\Vada, ma kela alanui hookahi, ma kona aoao akau, no "Waikiki o ke alanui Beritania. 1 ka hoea ana i ke alanui Maunakea, ua hoohuli ae la o Mr. -Lamh i kona kaa kalaka i kai, ma ke alahele pololei loa o ke kaa baikikala o Wada e holo ae ana. Ua ike no o Mr. Lamb i kela pilikia, me kona hoao ana e hoohuli i kona kaa i ka aoao hema, ua lohi loa nae kona hoao ana e hana pela, no ka mea ua hooku'i e aku la kona kaa kalaka me' ke kaa baikikala o ke keiki Kepani. Ma kela manawa i hooku'iia aku ai o ke kaa haikikala, ua haule aku la o Wada ilalo o ke alanui, me ka pii ana aku o na huila o ke kaa kalaka maluna o kona kino. Ua hoihoi awiwi ia aku ke keiki poino no ka halema'i o na poino ulia, a mailaila aku i hoihoi loa ia ai noloko o ka Halema'i Moiwahine, a he elua la mahope mai, ua make loa aku la oia, no ke kumu, ua nui ►«a wahi o kona kino i poino maloko* TJa hopuia o Mr. Lamb i kinohi, malalo o ke kumu hoopii, o ia no kona holonui, aka'nae, mamuli o ka olelo hooholo a na kiure, ua hoololiia ae kela kumu hoopii, a i ka lawe ola.