Ka Nupepa Kuokoa, Volume LXI, Number 50, 14 December 1922 — HOPUIA HE HAOLE MALIHINI NO KA APUKA [ARTICLE]

HOPUIA HE HAOLE MALIHINI NO KA APUKA

Ma ka Poaono aku la i hala i hopuia ae ai e ka Ma'kaikiu McDuffie he haol.e malihini o \Valter Arthur Gill ka inoa, a no ka mahina i hala kona noho ana maloko o keia kulanakauhale ma ka inoa o Jomes Arthur Dain, a aia iloko o ka halepaahao e paa mai nei mamuli o kona hoopiiia ana ae no ka hewa apuka. Ma ka moolelo elike me ia a ka Makaikiu MoDuflse o ka hoike ana ae, he elua mau bila dala i wawahiia ma ke dala keokeo e nei haole kolohe maloko oka Hokele lana, hookahi o ia mau bila he $32, a o kekahi he $15. Ma ka nana ana a ka lunahoohana o ka Hokele lana Allan Pederson. he mau bila ia i kanalua loa ia ka waiwaiio a hoike koke ia ae i ka oihana makai. Ua hoopaa ua haole la iaia e uku ae i ka huina o ia mau bila ma ka Poaono aku la i hala, i kona hana ole ana nae ia mea ua hoomaka koke ka makaikiu i ka ninaninau ana, o ka hua ma ia ninaninau ana ua loaa ka ike i ka makaikiu he mau bila apuka hou aku no ka kekahi o ia ano i hooliloia aku maloko o Honolulu i hiki aku ka huina i ka $300. Ahiki i ke aumoe ana iho o ka Poaono aohe loaa o kekahi mea nana e bela ae i kela. haole. Ma ka 'oleloia he haole malihini keia o ka hoea ana mai i Honoluhi nei a maloko o kekahi o na hokele kona wahi o ka noho ana i kela mahina aku la i hala.