Ka Nupepa Kuokoa, Volume LXI, Number 51, 21 December 1922 — MAKE MAMULI O KA ULIA MA WAIKIKI. [ARTICLE]

MAKE MAMULI O KA ULIA MA WAIKIKI.

No ka loaa ana o ka ulia i kekahi haole koa, iaia e auaukai ana mawaho ae nei o Waikiki, ma ka Poaha aku nei i hala, i haalele mai ai ka hanu ola iaia, ma ke kakahiaka o ke Sabati aku la i hala, maloko o ka Halema'i Tripler o ka oihana koa. 0 ka inoa o keia haole koa, oia 0 Irving Smith, a o keia ilio la ka elua o ka manawa i loaa ai iaia o kela ulia hookahi no, ma keia hana ana nae hoi, i haalele mai ai oia 1 keia ola ana. Ma kela Poaha, ua hele aku la o Smith e auaukai mawaho ae nei o Waikiki, a no kona makemake, e luupoo, ua hele aku la oia ma ka uwapo mamua pono aku o ka Hokele Moana, a mailuna aku o kela uwapo i luupoo aku ai oia iloko o lee kai. Ma kela luupoo ana nae, ua hooku'i aku la kona poo ilalo o ka honua paa no ka mea he papa'u loa ke kai ma kela wahi, a na kekahi poe keiki hoopakele ola i luu a loaa kona kmo. Ma kela wahi hookahi no, iloko o ka mahina o Aperila o ka makahiki. aku nei i hala, i halawai ai no kela haole koa, me ka ulia poino, ma kfi hooku'i ana o kona poo ilalo o ka papaku o. ke kai; he mau mahina kona o ka noho ana maloko o ka halema'i ahiki i ke ola ana; ma keia poino nae, ua hiki hou ole ke hoopakeleia kona ola. Ma ka Poalua nei ka piha ana o na makahiki he 25 o ke ku ana o ka Banako o 'Hawaii mai ka manawa mai o ka hoohuiia ana ae me ke aupuni. —