Ka Nupepa Kuokoa, Volume LXI, Number 51, 21 December 1922 — Hooku'i Elua Mau Kaa me ka Pakele o na Ola Hopuia Nae Kekahi o na Kiakaa e na Makai no Kona Holonui i ke Kaa. LOAA NO NAE KEKAHI MAU PALAPU LIILII Holo Kekahi Mau Ohua a Nalowale Mamua o ka Hoea Ana Aku o na Makai [ARTICLE]

Hooku'i Elua Mau Kaa me ka Pakele o na Ola

Hopuia Nae Kekahi o na Kiakaa e na Makai no Kona Holonui i ke Kaa.

LOAA NO NAE KEKAHI MAU PALAPU LIILII

Holo Kekahi Mau Ohua a Nalowale Mamua o ka Hoea Ana Aku o na Makai

Mahope koke ihō o ka hora eono o ke ahiahi o ke Sabati aku la i hala, i hooku'i ae ai ke kaa otomobilc, e hookeleia ana e H. W. Bourke, nre kekahi kaa otomobile okoa aku 7 ma ke alanui Kalakaua, o kahi nae o ka laki, aole he mea i poino, ua loaa uae he mau palapu i kekahi poe, a ua paa o Mr. Bourke i ka hopuia no ka hewa holonui me ke kauia ana o kona bela ma kahi o ka elima haneri dala. Ma ka lioakaka a na makai e hook«le ana o Mr. Bourke i kona kaa me ka puahia ma ke alanui Kalakaua nowaho o Waikiki, a iaia ka 0 ka hoohuli ana ae i kona kaa, no ka holo pololei ana ma ke alanui John Ena, o ka wa hookahi no ia 1 oili ae ai o kekahi kaa otomQbi]e, e hookeleia ana e C. L. Smith, mai ke alanui Lewis hiai no ke alanui Kalakaua, a liooku'iia aku la ke kaa o Smith, me ka holo aoao ana aku nae o ko Mr. Bourk<e kaa no 43 kapuai, alaila kahuli aku la, me ka paa ana o ka poe oluna o kela kaa malalo. Ma ka oleloia maluna pu o ke kaa o Mr. Bourke kana wahine, eia nae mamua o ka hoea, ana aku o na makai, ua nalowale mua ka oia, me kekahi koa okoa, a o Mr. Bourke, he hookahi koa, ame ke koa luina ka i paa i na makai. Ma ka olelo a ka Hofc Makai Nui Asch, iaia i hoea aku ai mahope koke iho o kela ulia, ua ike oia i kekahi omole i nahaha, he omole i manaoia, he okolehao ka ukana oloko. Ua loaa no he manuhe'u ia Bourke, a.pela hoi i kona mau hoa, me ko lakou lapaauia. ana maloko o ka halema'i o na poino ulia, a ua hoihoi loa ia aku ke koa luina nolalo o Puuloa, e na makai koa, a ua kaa aku hoi ke koa, malalo o na makai o ka oihana koa.