Ka Nupepa Kuokoa, Volume LXI, Number 51, 21 December 1922 — KE KARISIMAKA A KA AHAHUI PHOENIX MA AALA PAKA [ARTICLE]

KE KARISIMAKA A KA AHAHUI PHOENIX MA AALA PAKA

He kumulaau Karisimaka ke haawiia ana e ka Ahahui Phoenix, Honolulu Lodge No. 1, ma ka Paka Aaia, ma ke kakahiaka o ka La Karisimaka na na kamalii, a he mau lfjiukani kamalii e hoohauoliia ana ma ia la. He mau makana pu kekahi e haawi ia ae ana i na kamalii ulia laki, ka poe e paa ana i na tikiki. He mau himeni ana kekahi me na haiolelo e haawiia ana malaila, a na ka bana a na kaikamahine o ke Salvation Army o Manoa e hoolako ae ana i na meakani me ka lakea ! mau ohe like ole no ka hoohauoli ana i na keiki, a peia me ka poe makaikai e hiki ae ana malaila ma ia manawa. O ke Kiaaina W. H. Farrington ame ka Meia John H. Wilson kekahi i manaoia e hiki ae ana malaila no ka haawi ana aku i kekahi mau hiolelo hoohauoli i na kamalii oiai ua noiia ae ko laua oluolu e hoea ae malaila ma ia kakahiaka, a ua hoike ae ke komite iaia ka hooko ana aku i ka papa kuhikuhi hana o ia la oia ana kekahi o na manawa maikai loa e haawiia ana no ka hauoli Karisimaka o na kamalii i nei makahiki'. E hoomaka ana na hana malaila ma ka hora 10 ponoi, ke ole e loaa na akeakaea, a e pau ana na hana i hoomakaukaui mloko o hookahi hora. Ua poloaiia ae na keiki a na ahahui malama ola apau e ku nei maloko o Honolulu e hele ae ma Aala Paka ma ia la. *+* WARSAW, Dec. 16.—Ua kukalaia :;e ke kanawai koa maanei i keia la mamuli o na haunaele o na manawa kokoke aku nei i hala. Lehulehu ka poe i hopuia mamuli o ka powala ana a make o ka Peresidena Gabriel Narutowicz, a ua hoounaia aku na kauoha ma na wahi apau o Polani e malama i ka maluhia. O ka Uamuku Joseph Pilsudski ka i hookohuia aku i aliikoa kiekie no ka oihana koa.