Ka Nupepa Kuokoa, Volume LXI, Number 51, 21 December 1922 — LETA MAI NA AINA E MAI. [ARTICLE]

LETA MAI NA AINA E MAI.

Madrid, Spain, Nov. 16, 1922; Mr. Dick Kekona Diamond, kuu papa aloha; Aloha kaua a nui loa:—Ua halawai mai au me Rau leka o ka la 7 o Sept. a ua ike iho no hoi me na manao piha i ke aloha. Eia ka mea e hai aku ia oe e ktra papa aloha, eia makou i Madrid nei i keia manawa, e hana nei iloko 0 kekahi halfe nani loa, o Madrid. H« hale hou loa keia, akahi no a paa i ka hanaia. Na na keiki o Hawaii, i hoau mua loa i hoohemo 1 na pani puka apau o keia hale nani loa o Madrid nei. O ka inoa o keia hale o Palaee de Glace, ma ka inoa Paniolo, Palscio de Hielo. Ke kaulana nei o Hawaii i Europa nei, a peia aku ana no apuni ke ao neL Na ka i

Haku Homolele e alakai a kiai makaala pu no hoi ia kakou apau loa, ahiki i ko kakou hui kino ana. Ke mahalo aku nei au ia oe e ko 'u papa a nui loa, no kou hui pu ana a launa pu me ko'u ohana ponoi. Eia kekahi, ua paani iho nei makou imua o k« alii ame ka moiwahine o Bepania nei. He nui hoi ka hauoli o na alii i ko laua ike ana i na keiki H&waii ma ko laua aupuni. Eia hou kekahi, he maikai no ko'u ola kino a pela pu me ko'u mau hoa Hawaii, e nai nei i keia aina ,i manao mua ole ia, e ike ana au ame ko'u mau hoa i keia wahi. Ua lawa paha kaua maanei, ke haawi aku nei au i ko'u aloha a nui loa ia oe e kuu papa, ame ka ohana o kaua, ame ka oihana makai o Honolulu kekahi. Owau no me ka haahaa, JOSEPH K. NAHALE,