Ka Nupepa Kuokoa, Volume LXI, Number 51, 21 December 1922 — KUU KANE ALOHA JOSEPH HOLI, UA HALA. [ARTICLE]

KUU KANE ALOHA JOSEPH HOLI, UA HALA.

Mr. Lunahooponopono o ka Nupepa Kuokoa, Solomon Hanohano; aloha oe:—E ae oluolu mai kou lokomaikai, no'u kekahi wahi rumi o kau nupepa no ka'u wahi puolo luuluu, ina nae he wahi kaawale kekahi, a nau hoi ia e ahai aku i ka lono kaumaha ma na kihi eha 0 ka aina, mai ka puka auo a ka la 1 Kumukahi, a ka welona a ka la i Lehua, i ike mai'lioi na kini makamaka ame na hoaloha o kuu kane aloha. Luuluu wale! L T a haalele mai kuu mea aloha ia 'u me na lei a maua, e noho makua ole, a e auwe mau aku nona. Ma ka la 6 o Dec. o keia makahiki, hora 6 p. m., i upoi iho ai kona mau lihilihl no ka 'wa mau loa, a waiho iho la i ke'kino wailua, na'u e paiauma aku, ma keia kapa 0 ka muliwai eleele. Luuluu wale! Ua hnnauia kuu kane aloha ma Papa, S. Kona, Hawaii, mai ka puhaka mai o Kapule (w) ame Holi (k), ua piha hoi iaia na makahiki he 64, a haalele wale mai la oia. Ua mare mua no oia i ka wahine, a mai ia laua mai na keiki lehulehu, ua lawe aku ka make, a koe mai hookahi. Mare hou me a'u loaa ekolu keiki elua keikikane, hookahi kaikamahine, ua like me eha keiki a kona puhaka ponoi e ola nei. He kane malama wahine oia, a he mea nui no hoi au iaia, pela no me kana poe keiki. He puuwai hamama, he lokomaikai, he heahea, he ike i ka poe kiekie a ka poe haahaa, he inoa kona ua kamaaina 1 na mea apau. Aloha no ka makua.

I E Hoopuloa e, kahi hoi a kuu kane e hele ai i ka lawai'a, aole kou mau hunahunakai c hoopulu hou ana i kona mau papalina lahilahi. Luuluu wale! Aloha wale keia mau wahi e tvaiho mai nei, kahi hoi a kuu kane e hele ai 1 ka hana, aole oi«% e maaloalo hou aku ana malaila, a no ka mea, ua huna mai la i na maka ia'u. E Hookena e, a hoea loa aku i Kealakekua, a kiei aku hoi ia Kailua, aloha wale oukou, aol« kuu Joseph Holi e hehi hou i ko oukou mau umauma lahalaha, no ka wa inau loa. Luuluu wale! E ka Maunaloa e, ka hale lana i ke kai, ka mea hoi nana i hiihele aku kuu papa, ahiki i Kauakukalahale, aole oia e holoholo hou aku ana i kou oneki, a nau no hoi i hoihoi hou mai ahiki i ka aina hanau, a moe iho la no na kau a kau. Ho mau moopuna lehulehu kana e noho mai la, aia i Maui, a aia no hoi i Honolulu, aole nae lakou i ike i ka hanu hope o ko lakou kuku. I ka hele iho la no i ka hana, a hookau 110 kahi ma'i ka i no hoi kahi pilikia, a lohe mai, eia ka, e haalele mai ana. Ke hoomanao ae, auwe ka mea ehaeha 0 ka naau, aka ua hoike maopopo mai no Kana olelo, 0 ke kanaka i hanauia e ka wahine, ua hapa kona mau la, ua piha hoi i na popilikia. Ke haawi aku nei au i ka mahalo a nui loa ia oe e Mr. Kaanana, no kou hana wale ana i ka pahu 0 kuu mea aloha. Ke haawi pu aku noi au i na mahalo i ka poe i ku kiai pu mai me a'u i ka wa e kau ana kuu kane, pela pu me 00 e Mra. Elizabeth K. Vida, ke haawi aku nei au i ka'u mahalo kiekie ana ia oe no kau makana lei i lu iho maluna 0 ke kino wailua 0 kuu kane aloha. Nāna no i haawi mai, a Nana no i lawe aku la, e hoomaikai ia ka inoa o I«hova, he malu ma ka honua nei, he aloha i kanaka. Me na k-eiki o ka papapa'i ka'u welina hope. Ke hooki nei nu i keia episetole me ka luuluu 0 ka naau. Owau iho no ka wahine i hooneleia i ka mea aloha. MES. LUCY J. HOLI, Me na keiki. DUBLIN Dec. 19.—Eha mau kanaka hana ma na kaaahi ame ekolu mau limahana i kiia a make i keia la. Ua hoahewaia lakou e make no ka hana ana a nahaha kekahi kaaahi maloko o ke kalana Kildare. O ka 19 iho la ia 'o ka huina o ka po-e i hookoia aku ka lioopa'i make maloko 0 hookahi mahina a oi iki aku.