Ka Nupepa Kuokoa, Volume LXI, Number 51, 21 December 1922 — NA ONO HUIKAU O KA UANOE O KOLOA. [ARTICLE]

NA ONO HUIKAU O KA UANOE O KOLOA.

Ma ka home noho nani uluwehiwehi, o Mr. ame Mrs. Henry Blake, ma ka po o ka la 2 o keia mahina, i haawi ae ai ka Ahahui Kamehameha; Maliele o Kaumualii, o ka apana o Koloa, he wahi paina luau hoomanao, no ka .piha aua he 20 makahiki, o ka noho mare ana o Mr. ame Mrs. H'onry Blake, ko lakou Kuauliau iloko o ka ahahui; a lunahooia hoi o ke Kalana o Kauai. Ua akoakoa ae kekahi mau lala o keia ahahui malaila, no ka paina pu ana me ua mea no laua ka la, ame ka haawi pu aua i ua hoomaikai lie nui, ua malamaia keia wahi papaaina uuku, iloko o ke aheahe malie, ua ai no hoi a lawa a hoi aku la kela, ame keia no ko lakou mau homo iho; me na manao hauoii.

Ma lea la 7, ma ka hall o Koloa, ua malamaia ka paina luau ua ka elele a ka lahui, ame kona mau hoahele, ua ai no hoi a pololi, and eat heavy, i na ono i kauia; malaila pu ae na puukani o ka Waiulailiahi o Waimea, kahi i hoonanea ai i ke anaina ma kela po, malalo o ko lakou alakai Mrs. Jinx Cook, ka naui, ame ka [u'i, o na leo i meleia mai. j Mahope o ka paina ana, ua lilo ia Mr. loela Kiakalii, ka wehe mua ana i ka haiolelo, malalo o ka noho lunahoomalu ana, a Mr. J. S. Chandler, a mahope iho o kona pau ana, o ia ka manawa i ku mai ai ka elele a ka lahui a haiolelo, ua mele mua ia mai kona mele mamua o kona haiolelo ana, e na puukaui o W.aimea. He oluolu a waipahe kana olelo, ame kona mau manao, oiai oia e haalele kqke iho ana no, ia Koloa ma ia po, ua hoopokoleia kana haiolelo ana, a ma ka hapalua hora 7, ua hala aku la oia no Kapaa, me ka pau ole o na manao ohohia, o ko Koloa poe no ka elele, oiai he uuku loa ka manawa, a mamua o kona haalele ana mai, i na makaainana o Koloa, ua lululima pakahi oia ia lakou na kane, na wahine, ame na keiki, me ke aloha pumehana. " I kona hala ana aku, ua huli hoi aleu la leela ame keia, no ko lakou mau home iho, a pela no hoi i liuli hoi koke aku ai, na u'i kaulana o ka Waiulailialii, me ka pau ole o ko makou ohohia no lakou, nui ka mahalo i keia mau u'i, no ka eleu a mikimiki 110 hoi, oiai ua lilo ia lakou ka hikimua o ka hookipa ana mai i ka elele, maioko o ka hall o Koloa; oiai ua poloke lee au o ke ki o na keiki o Mahaulepu, no ka hoonuu loa i na i'o nenue momona o Pahukikala. Ke haawi nei keia makapeni, i ka mahalo a nui loa, i na puukani o Waimea, amo ko lakou alakai, Mrs. Jim Cook, a liui hou aku no, iloko o lea malu o ko kakou Haku. Ma ka la 9, ua haawi ae o Mrs. Margarett Kealoha, he paina hoomanao piha makahiki no kana bebe Peter liilii, he nui na ono i hoomakaukauia ma leeia Avahi paina e na lima oolea o keia old lede, o ia keia; poi uouo, ame poi palaoa, i'a maka, puaa kaluakele, laulau, moa me ka laiki loloa, opihi, wana, loli

maka, loli maloo, heo hee maloo, uala mo'a uala maloo, waimomona, meaono, ua ai a kena, ua luu- a pololi; ke kalokalo ae nei keia makapeni, e hooloihi i na la o ke kamaiki a kau i ka puaaneane. Me ka Lunahooponopouo ka mahalo nui, ame na keiki oniu hua kepau o kou papapa'i ko'u weliua pauole. Owau 110 a mau, PETER KAMANO, SR. Uanoe o Koloa.