Ka Nupepa Kuokoa, Volume LXI, Number 51, 21 December 1922 — KUU PUA MELIA UA MAE. [ARTICLE+ILLUSTRATION]

KUU PUA MELIA UA MAE.

Luuluu Hanalei i ka ua nui, Kaumalia i ka noe o Alakai. 0 ka helo a kuu Pu£"Melia, Naue pu no me ka anoi. Mr. Sol. Hanohano, Lunahoopouopono o ka Nupepa, e aloha nui kaua: —E ae oluolu mai no'u kokahi wahi kaawale o ka Nupepa Kuokoa, ka ahailono nana e uwila aku apuni na moku, i ike xaai ai na, kini o kuu mea aloha, Mrs. Pua Amelia Kainapau, ua nalo na maka ua pau ka ike hou ana i kona mau hiona nohea ame ka lohe hou ana i kona leo. Hele hookahi i ke ala kipapa a ka wainiaka. Ua haalele mai kuu Pua aloha ia'u ame ka ohana i ka hoj*a 10 a oi o ka po Poaono, Defe. 2, 1922. He ho'okahi pule wale no o kona kaa ana i ka ma'i, a o kona naue aku la no ia ma ke ala ulili a Kane no ka wa mau loa. O ka hele a kuu wahine aloha naue pu me ku waimaka. Ua hanauia oia ma Hanalei, i lulai 3, 1897, mai ka puhaka mai 0 Malia kona makualiine, a o Danaiela Kamaka kona luaui makuakane, a iaia i moe aku la, ua piha iaia na makahiki he.2o, he 4 mahiua me 29 la. 1 Aperila 4, 1920, hoohuiia iho la maua iloko o -ka berita maemae o ka mare e Rev. I. K. Kaauwai. Ua piha no hoi ia maua na makahiki 2 me na mahina 7 me 28 la; a ua nohoia no hoi c maua keia mau makahiki me ka oluolu maikai, a na ka make i hookoia mai laikekaula kaakolu o ke aloha mawaena o maua auwe kuu wahine hele loa e! E ka Ualoku o Hanalei, ua pau ka hookilihune hou ana o kou mau hunawai ma ko Pua mau hiona. E ke one pua rose o Mahamoku e, ua pau kona naue hou ana ma kou mau aekai. E Luia Hale e, aole o Puamelia e hiolani liou ana ma kou mau keena 1 puia e ke onaona. Ua hala, ua nalo i ka polikua a Kane, auwo no hoi kuu minamina pau ole i kuu wahine e! Ke haawi aku nei nu i ka'u mau hoomaikai nui i ka Hui Aloha o na Wahine, no ka lakou makana aloha ; a pela m« na makamaka ame na hoaloha i akoakoa mai, e kaana pu me a'u ame ka ohana no ka hoomanao kumakena pu ana no kuu Pua aloha. Me ka mahalo a nui i ka Lunahūoponopono i ka hooko ana mai i keia kanaonae a ke aloha, a pela me na keiki o ka papapa'i. Na'u ame ka ohana iloko o ka luuluu, me ke aloha. KAINAPAU KAILIKINI, Hanalei, Kauai, Dec. 8. 1922.

MRS. PUA MELIA KAILIKINI,