Ka Nupepa Kuokoa, Volume LXI, Number 51, 21 December 1922 — POWAIA KA BANAKO A LAWE IA HE $200,000 PEPA [ARTICLE]

POWAIA KA BANAKO A LAWE IA HE $200,000 PEPA

E hoakaka ana ka lono moahou ma ka uweaolelo uweaole o ka loaa ana ae no ka powaia ana o ka Fcderal Reserve Bank ma e kekahi poe powa koa loa a lilo aku he $200,000 pepa o ka laweia ana ae mai kahi hana dala ae a i ka banako, elike me, ia malalo nei: DENVER, Colorado, Dec. 18.—Ua kiia aku a hoohaia kekahi kiai o kahi hana dala e kekahi inau kanaka powa ekolu a holo aku la ine $200,000 pepa, he mau dala i laweia mai kahi liana dala ae a i ka Federal Reserve Bank. I ka ike ana o na kiai ma na puka aniani mai o ka hale hana dala -i ka powaia ana o ka banako ua ki aku la lakou i ka laleiou mau pu raifela i ka poe powa, a mamuli o ka hikiwawe ame ka eleu loa i ka hana ana a na kanaka powa ua holo aku la lakou a pakele maluna o ke kaa otomobile, me ka lua o na kaa otomobile i piha me na kanaka i uhiia na maka a paa e ukali uku ana inahope o na kanaka powa no ka hoopakele ana ia lakou. Eia ka puali makai liolookoa ke huli' nei i ka poe powa a pela me na luna aupuni malama maluhia ma na apana e hoopuni mai ana ua hui pu mai lakou ma ka huli ana. Ma ka olelo a kekahi poe i ikemaka i ka powaia ana o ka bpnako he ekolu mau kanaka a lakou o ka ike ana mai, a ma ka olelo hoi a kekahi poe he eha mau kanaka na lakou i ki i ke kiai a i powa i ka banako. Ma na bita $5 wale no kela huina nui apau ua kauia ka helu maluna o kela ame keia bila a ua hoopaaia ma ka buke. Ma ka hoakaka a na luna aupuni he hana hiki ole na ka poe powa kā hoolilo ana aku i na bila dala me ko lakou paa ole i ka hopuia. Hookahi o na powa i manaoia ua ku i ka pu no kona ikeia ana aku e kulou a e pupue ana maluna o ka papa ma ka aoao o ke kaa, a na kekahi poe e aku o lakou i huki aku iaia iloko o ke kaa. PERRL, Florida, Dec. 12.—0 Arthur Young, he paele. i hopuia ai no ka hewa e pili aua i ka pepehiia ana o Miss Ruby Henry, ua kailiia aku oia me ka linia ikaika mai na lima aku o na makai ma ka po i hala e kekahi aha,kanaka piha inaina, a liia iluna o ke kumulaau.