Ka Nupepa Kuokoa, Volume LXI, Number 51, 21 December 1922 — UA HALA O MRS. MARY KAPUKANA ME KE ALOHA NUI IA. [ARTICLE]

UA HALA O MRS. MARY KAPUKANA ME KE ALOHA NUI IA.

Mr. Lunahooponopono, nou ka welina pumehana; ano ka ohana ame na makamaka hoi, ke aloha hikilele ke ike iho i keia lono hoolele hauli. E Solomon e, no'u hoi kahi keena 0 kou mau kolamu waiwai nui, i haawe pu aku hoi kana i neia ukana luuluu, i ke alo o ka ohana, na makamaka ame na hoaloha. Ua haalele mai o Mary Kapukana i keia 6la ana, a hoi aku i kahi j mau o na mea apau i ke ahiahi Poaono, Novemaba 18, A. D, 1922, hora 4:15 mlnuke, imua o'u, na keiki ame ko niaua mau ho?iloha, ame kahi ohana hookahi imua ona, 1 hookuu mai ai i kona hanu hope me ka maikai, ko iho la ka loba i hele kohana mai no au, mai ka opu mai o ko 'u makuahine a e hoi kohana aku no ilaila, na lehova i haawi mai, na lehova i lawe aku, e hoomaikai ia ka inoa o lehova! Moku iho la ke kaula nana i hauhoa i ke kino lepo ame ka uhane, hoi ka lepo i ka lepo, o ka uhane i kona mea Nana i hana, aloha no! O kahi moolelo uuku i maopopo ia'u o kona ola ana, ua puka mai oia mai ka puhaka mai o Mary Pomaikai (w) ame Moses Kahelewale (k) kona makuakane, i ke kau kupulau o ka A. D. 1875 i ka malama o Mei, ua piha iaia na makahiki o ke ola ana ma leeia ao.he 47 makahiki me na malama keu ua kaa aku kona malama ia ana e ke kaikaina o kona makuahine, oia o (w) aole no i maopopo ia'u, kona wahi i hanau ia ai he eha (4) ko lakou nui a ko lakou mau makua, elua keikikane, eiua kaikamahine, ua pau wale no na-e i ka hala ma-o, oia aku la no hoi ke pani liope o lakou, koe na keiki a kona kaikunane e ola mai la ma Hilo, Hawaii, a lie kaikamahine hookahi kana e ola mai la ma Honolulu, a he mau moopuna, a he mau leeiki hanai eha i luhi ia eia me ke aloha makua oiaio he mau lei a-i hoi, i kau aku ai ka manaolana o na la ino, e hiki niai ana o ka hoolilo.

He keiki hoi i haawi ia mai e ko maua mau kaikuaana, e noho mai la i ka aina o ka ehaeha, me ka puuwai hamama, ame ka hilinai oiaio no kona ano maikai he nui, e Lahela e kuu wahine ahonui ia makou ua hala ka makua o na lei a kaua, e hii ai ma ke alo haawe ma ke kua, o ka waimaka o ka upe kau e lu iho, aloha no! I kona mau la makalapua o ka wahine u'i, ua mare ia oia me David Kapukana, o ka wailele o Hiilawe, he manawa pokole nae ia iloko o ka hauoli o ka noho a kane a wahine ana, ua hoohua mai la kona kihapai he hua ohaha he kaikamahine nui a mohaha kona mau hiohiona he oioina a he puu hoomaha no na la hapauea, a ua poho wale nae ia mau manaolana, ua o'u koke ia no. He wahine hoopono a heahea, he home pumehana i kona mau hoaloha apau, he lokomaikai, he aloha i ka ohana iloko o kona ola ana. He hoahanau oia no ka Ekalesia o Kanaana Hou o Kalaupapa, ua oki ia nae mao kona haalele ana aku i ke kahua ma'i o Kalaupapa a hele i ka loa ame ka laula o ka aina, no ka huli ana i kahi e ku ai na wawae, ua hooko ia nae ia moe uhane ana. a loaa he apana aina iaia ma Kalepa, Hamakua he home hookuonpono hoi ana i manao ai he puuhonua no kana mau luhi he keiki. Ua hoomanawanui kino i ka hana lima ana i kona apana aina, ua hiki aku ka hoolilo no kona apana 15 eka ko, mai ke kanu ana ahiki i kfe oki ana, $2,745, he mau lilo kuahewahewa o ka makahiki 1920, eia nae ua oili mai oia me ka poholo pu o ia mau hoolilo, a loaa mai ka hua 0 ka aina $3,300, o ka leo walohia a'u e hoomanao poina ole nei i $10.00 no'u o ke koena hoouna ia knaana ma i Kalaupapa. Ua hoomanawanui io oia a waiho na iwi i ka aina i hoomanawanui ai, aole e hiki ia'u ke helu papa aku i ka nui o kon£ mau ano maikai oiai e alai mau ae ana ka ohu pohina i na maka aloha no kuu hoa luhi, i ka hooki ana i keia ke haawi 1 aku nei au i ke'u hoomaikai kie-

kie i ka poe apau i ala pu me a'u e kiai i ke kino puauuanu, o ka'u mea aloha pela pu i ka poe apau i haawi mai i na kokua i ka laulima pu ana i na hora o ko'u kaumaha a i ka poe apau i uhai pu iaia i kana huakai hope. Me ke aloha i ka Lunahooponopono a me na keiki kikokiko o kou keena pa'i. Owau iho no me ka luuluu, <JABRIEL HEAUKULANI, Kalopa Homestead Hamakua, Hawaii.