Ka Nupepa Kuokoa, Volume LXI, Number 51, 21 December 1922 — O KA MEA HOAHU NUI NUI NO KANA. [ARTICLE]

O KA MEA HOAHU NUI NUI NO KANA.

Ma ka la 8 o ka mahina o lanuan ae nei e hoea mai ana. e wehe hou ia ana ke Kalapu Hoahu Karisimaka o ka Banako o Eihopa ma. o ka makahiki 1923, elike no me ke ano o na kalapu hoahu Karisimaka aku nei o na makahiki i hala. Mai ka iwakalua-kumamalima keneka aku ka hoahu o ka pule ahiki i ka elima dala, elike me ka hiki i kekahi mea ke hoahu. O ka poe nunui no o ka lakou hoahu ana iloko o ka pule hookahi. e nui ana no ka lakou dala. i ka wa e piha ai ka makahiki, pela no hoi ka uuku loa o ke dala, a ka poe uuku o ka hoahu ana o ka pule. E loaa ana i kela mau dala i hoahuia he eha pakeneka ka ukupanee no ka makahiki, me ka hiki ole nae e unuhiia kela mau dala, ma kekahi manawa, koe wale no a piha na pule i hoakakaia. He hookahi wale no kumu e hooneleia ai ka loaa ana o na pakeneka puka. i kela mau dala i hoahuia. o ia no ka lia'o o ka hookomo ana i kekahi manawa: a i wahi e loaa mai ai ka ukupanee, e konoia ana ka mea i haule hope kana lioahu ana, e uku aku oia i na pule i haule, a e uku pu aku i kekahi mau pule, ma ke ano ukumua. Ina he poe kekahi i komo mua ole i mau lala no kela Kalapu Hoahu Karisimaka. alaila mua i keia manawa. a ma ka la e weheia ai ke.kalapu, e lilo koke i lala, mai hoohakalia o hala auanei ka wa pono. O ka poe hoi i lilo i mau lala no ke kalapu o keia makahiki, aole no he hewa o ko lakou hookomo mai i kekahi poe oloko o ko lakou ohana i mau lala nō ke kalapu o keia makahiki ae. a i ole hoomahuahua ae paha i ka huina o ka lakou hoahu. Aia he like ole nui mawaena o ka hoahu ana iloko o keia kalapu. ame ka wehe kaokoa ana i buke banako, ma ke ano hoahu liilii. Ma ka hoahu ana iloko o ke Kalapu Karisimaka. aole e hiki ke unuhi i kela mau dala : a ma ka hoahu ana hoi ma kekahi ano e ae. ua hiki ke unuhiia ke dala i kela ame keia manawa e makemakeia ana: he mea maikai» no ke iloko o keia mau mahele a elua o ka hoahu dala ana. ina e hikf ana i kekahi mea. ke hooko mau, i na i hanaia no ka hoahu ana, aka ina aole e hiki, alaila. mai hoalo i ke komo ana iloko o kekahi o kela mahele ae la o ka hoahu dala ana. he pomaikai ke ukali aku ana. mahope.