Ka Nupepa Kuokoa, Volume LXI, Number 51, 21 December 1922 — Hoohanaia ka Pahi Mahope o. ke Ala Ana Mai o ka Hoopaapaa Houia he Hapauea o Lunalilo Home i ka Pahi e Kekahi no o Kona Mau Hoa ma ka Po Sabati Nei-Hopuia ka Mea Houpahi [ARTICLE]

Hoohanaia ka Pahi Mahope o. ke Ala Ana Mai o ka Hoopaapaa

Houia he Hapauea o Lunalilo Home i ka Pahi e Kekahi no o Kona Mau Hoa ma ka Po Sabati Nei-Hopuia ka Mea Houpahi

Mahope iho o ke ala ana ae o ka hoōpaapaa mawaena o Kealiihiwalani Ke-a, ame J6hn Kekua, he mau hapauea no ka Home Lunalilo, i houia ae ai o Ke-a i ka pahi o Kekua ma ka hora eiwa, o ka po o ke Sabati aku la i hala, a o ka hopena 0 kela hana, o ia no ka hoihoi loa ia ana aku o Ke-a noloko o ka Halema'i Moiwahine, a paa hoi o Kekua i ka hopuia. I kulike ai m-e na mea i hoakakaia ae, e ka poe o ka Home Lunalilo, he hana mau no ka na kela mau kanaka ka hoopaapaa ana i kela ame keia manawa, a o keia wale no ka manawa mua loa, i oi aku ai ka laua hoopaapaa ana, ahiki 1 ka hoohana maoli ia ana o ka pahi. Ua hoohala o Ke-a i kona manawa ma kela Sabati ma ke kulanakauhale nei, a mamua ae o ka hora eiwa 0 ke ahiahi, i huli hoi aku ai oia no ka Home Lunalilo, a ma ka olelo a ka poe i ike i kona hoi ana aku, ua kahi'Ohi'o ka oia, me kona hoi pololei loa ana noloko o. kona wahi e moe ai. Ua hoi kahiko no o Kekua e hiamoe, a i ka iflanawa i komo aku ai o Ke-a noloko o ka rumi, ua lohe aku la ka nui o na hapauea >e nanea ana mawaho o ka lanai o ka Home, 1 ka nunui mai o na leo o fcela mau kanaka maloko; a oiai ua maa no ko lakou lohe ana i ko laua hoopaapaa mau, aole i lilo kela nunui o ko laua mau leo, i kumu no lakou e hookahahaia ai. He manawa pokole nae mahope iho o ka hoopaapaa ana o kela mau kanaka, ua loheia aku la ko kahea ana ae o kekahi i mau kokua, o ka.wa ia i holo aku ai ka poe mawaho o ka lanai, a ike aku la lakou ia Ke-a e waiho mai ana iluna o

ka moe i hele a hauka'e i ke koko, a e moe ana no o Kekua, maluna 0 kona wahi moe; aka nao i ka ike ana mai i ke komo ana aku o kela poe, ala mai la oia a noho iluna. Ua ninauia aku kela mau kanaka, 1 ke kumu o kela pilikia, o ka laua pane, o ia no ka hooili ana i na ahewa ana aku maluna o kekahi; aka nae ma ka olelo nae a ka poe na lakou ana i kela home, ua ae okoa aku o Kekua, oia ka mea nana i hou ia Ke-a i ka pahi. Ua hoihoiia mai o Ke-a noloko o ka halema'i o na poino ulia me ka hikiwawe loa, a mailaila aku no ka Halema'i Moiwahine, a ma ka nanaia ana o kona wahi i moku i ka pahi, ua hoomaopopoia, ua kukonukonu maoli kona pilikia. He kanaka o Kealiihiwalani Ke-a nona na makahiki he 79, a he 65 hoi makahiki o John Kekua. Ma ka Poaono, ka la 9 o keia mahina, ua iho mai o Kekua no ke kulanakauhale nei, ma ka ahaaina luau a na Demokarata i haawi ae ai ma ka uwapo, a aole oia i huli hoi koke aku no ka Lunalilo Home, ahiki i ka Poalua o kekahi pule, mai, a ma kana olelo imua o ka poe na lakou e malama ana i kela home he hookahi ka kumu o kona hoi koke ole ana aku, no kona maka'u o hoopilikiaia aku oia, e kekahi poe e ae o lakou maloko o kela home, a ma ka manaoio o na lunanui o kela home, aole he maikai o ko Kekua noonoo. No Ke-a hoi, he mau manawa leliulehu no kona e hele mai ai i ke kulanakauhale nei, a iaia e hoi aku ai na ka l}ome, e hoomaopopoia mai ana kona kahi'ohi'o, a iloko o kela kulana ona, e loaa mau ana ka pilikia mawaena o kekahi mau hapauea e ae ame ia.