Ka Nupepa Kuokoa, Volume LXI, Number 52, 28 December 1922 — Page 5

Page PDF (1.50 MB)
NUPEPA KUOKOA HONOLULU, T. H., POAHA, DEKEMABA 28, 1922.
ELIMA
HE MOOLELO NO
ALIKA
A I OLE
Ke Ao Omamalu o Kekahi Karaima Pohihihi
Mamuli o ka Manoa Lili
Me kela mau olelo i ku ae ai o Alika iluna, me ka hele ana nai no kahi o ka puka, alaila huli aku la nana ia Eloka, me ka hoopili ana ae i ka welelau o kona mau manamanalima, ma ka lehelehe, a mu-ki ae la, e hoike aku ana ia Elioka, no kona piha loa i ka olioli.
"Aole loa o'u wahi lihi kanalua iki, iloko o ka makahiki hookahi, mai keia manawa aku, o kela ana kekahi kaikamahine u'i loa. Alaila e manao ana ka paha o Mrs. Wadona, oia ka mea nana e hoolilo i na dala a keia mau kaikamahine, e ike ana oia, aole au e nanamaka aku ana, i ka pono o Alika, ka mea paha a kela wahine e hoolala mai nei e hoolilo i pio nana,"
i namunamu wale iho ai no o Elioka iloko ona, i ka wa i hala aku ai o Alika, noloko o kona rumi.
MOKUNA II.
Oiai hoi o Alika i hoohauoliia aku ai, mamuli o na olelo oluolu, me na hana maikai a Elioka Hakoka, a ke hooko mai la i na mea apau a ke kanaka opio i makemake ai iaia, e hoolauna pono aku ka mea kakau moolelo, i ka poe oloko o ka home nani o Wadona.
He kanaka holomua loa o Mr. Uilama Wadona ma ka lawelawe oihana ana maloko o ke kulanakauhale o Nu Ioka, iloko o kekahi mau makahiki loihi ae nei i hala. Ua hoike mai kela ano o ka holomua, mamuli o ke ano o kona noho ana, ame ke ano pu o kana oihana kalepa; a ma ka aoao hoi o kana wahine, e hoolilo ana oia i kekahi mahele nui o ko lauia loaa makahiki, ma na mea e hoopauia ae ai na uilani a kona mau makemake iho.
He elua mau keikikane a keia mau makua, i loaa iloko o ko laua noho mare ana. O ke kaikuaana o Uilama Wadona, Jr., kona inoa, a ma ka wehe mua ana o keia moolelo, aia oia maloko o kekahi o na kula nui kahi i noho ai. O ka elua o na keikikane, o Peleki Wadona kona inoa, he elua makahiki kona opiopio iho imua o kona kaikuaana, aia no kana kula, e hele ana maloko o ke kulanakauhale, no ka hoomakaukau ama iaia, e komo aku i ke kula kiekie, me kona kaikuaana.
O kekahi poe e ae iloko o kela ohana, oia o Lola Penekona,
nona na makahiki he umi-kumamaiwa, ame Alika Wadona,
nona na makahiki he umi-kumamahiku. He mau kaikamahine
hanauna keia a elua na Uilama Wadona, Sr., o ia hoi hoo-
kahi kaikamahine na kona kaikuahine, a na kona kaikuaana.
He mau kaikamahine waiwai keia a elua, a penei nae ke ano o ka ili ana mai o ka waiwai maluna o laua:
He kaikuaana okoa ae no kekahi o Uilama Wadona, o Alabaki Wadona kona inoa. Aole oia i mare wahine, aka nae
i nui kona mau waiwai, mamuli o kona hooikaika ana o huli -a na aina mamao; a i ke kau ana mai o ke ohohina maluna o
--3. poo, a hookokoke mai hoi na la hope o kopa ola ana, holo iho la oia, e huli hoi mai no ka aina hanau imua o
".a ohana, no ka hakilo ana i ka mea kupono ana e Hooili aku ai i kona mau waiwai apau.
Iaia nae o ka hoea ana mai no ka aina hanau, ike iho la oia, o Uilama Wadona hookahi wale no koe o kona ohana e ola ana: o kona kaikuahine aloha, ua make aku oia, pela me kona kaikaina mai. He mau mahoe ka makuahine o Lola me ka makuakane o Alika, ia laua i make aku ai, ua koe iho la ka laua mau kaikamahine, he mau keiki makua ole, iloko o ka nele ame ka pilikia. He mea kau la i ka ike aku o ka wahine a Uilama Wadona, i ka noho hoopiliwale o kela mau kaikamahine, ma ka aoao o kana kane, a hookipa mai oia ia laua maloko o kona home, o kana mau keikikane wale no kana mea nui; nolaila ua kaa aku la ka malama ana i kela mau kaikamahine, malalo o kekahi poe, i komo na manao aloha ilo-ko o lakou.
I ka ike ana o Alabaki Wadona, he ulakolako ka noho ana
o Uilama Wadona kona kaikaina i koe e ola ana ua loaa he
home maikai nona ame kona ohana, nolaila o kana hana mua
i-a, o ia no ka hele ana e huli i na keiki, a kona kaikuahine ame kona kaikaina i make.
Ua loaa i'o kela mau kaikamahine iaia, me kona hoolimalima ana i kekahi hale, no lakou a ekolu e noho ai, he mau hana hoao wale no keia a Alabaki Wadona, ina paha he mau kaikamahine kela, e hiki ai iaia ke hooili aku i kona mau waiwai maluna o laua.
He mau mahina ko lakou noho pu ana, a iloko o kela mana-wa pokole, ua pipilipaa ka noonoo o keia kanaka no kela mau kaikamahine, pela hoi ka noonoo o na kaikamahine no ko laua makua hou, a i ka nana aku, ua like pu maoli no ko lakou noho ana, me he makua ponoi la no kela mau kaikamahine.
Oiai nae ke hookokoke mau mai la kona mau la hope e ola ai ma ka honua nei, a ke hoomaopopo la hoi oia, e haalele hou ia iho ana na kaikamahine opio, me ka mea ole nana e malama aku ia laua ahiki i ke oo ana, nolaila hookahi wale no noonoo iloko ona, o ia ka waiho mai i kana mau kaikamahine malalo
ka malu o kona kaikaina hookahi wale no i koe e ola ana.
Ua ike no oia, i ka hoihoi ole o ka wahine a Uilama Wadona no kela mau kaikamahine, o ka nana ae nae, aohe wahi kupono
1 p.e no laua e noho ai, nolaila hooholo iho la kona manao, e aho " e waiho aku ia laua me kona kaikaina.
Oiai nae o Alabaki Wadona, e hoolala ana no ka pono o na kaikamahine opio makuaole, hana iho la oia i kana palapala kauoha hooilina, e mahele hapalua ana i kona mau waiwai apau mawaena o kela mau kaikamahine, me kekahi mau hoakaka maopopo nae maloko o ua kauoha la, ina e make e ana kekahi o laua me ka nele i ka hooilina, alaila e holo aku ka waiwai holookoa, maluna o ka mea o laua e ola ana.
Ina hoi no ko laua make a elua, me ka nele i ka hooilina, alaila e holo aku kela waiwai maluna o na keikikane elua a kona kaikaina Uilama Wadona. Ua koho o Alabaki Wadona oia ke kahu malama o na kaikamahine, e noho laua malalo o kona malu, ame kana malama ana ahiki i ko laua oo ana, o ia hoi, he umi-kumamawalu makahiki, a i ole ahiki paha i ko laua mare ana i ke kane.
He mau pule kakaikahi wale no, mahope mai o ka hanaia ana o kela palapala kauoha hooilina, make iho la o Alabaki Wadona, a koe iho la hoi na kaikamahine elua, na hooilina o kona mau waiwai, me ka nana ana mai ia Uilama Wadona ame kana wahine, o laua ko laua mau makua ma keia ao.
He ehiku makahiki keia, mamua aku o ka hoomaka ana mai o keia moolelo, iloko o kela mau makahiki, malalo mau o Mr. ame Mrs. Uilama Wadona na kaikamahine opio e noho ai.
Ma keia noho ana o kela mau kaikamahine me Mrs. Waiona, ua nana aku oia ia Lola Perekona ame Alika Wadona ma ke ano kaokoa loa, mamuli o ko laua lilo ana he mau hooilina no ka waiwai o Alabaki Wadona, mai kela ano mai ana, i nana aku ai ia laua i kinohi, he mau keiki makuaole ame ka :::-- n- a m? na manao haaheo o ka piha hookamani, e kahea
O MR. AME MRS. BUTLER MA
KAWAIAHAO
Eehia na leo pule a ku i ka nani na himeni i meleia ma ka halawai hui a na ekalesia Hawaii, Kawaiahao, Kaumakapili ame Kalihi ma ka po Sabati iho nei, me ka hooniia o ua uhane mamuli o kekahi mau manao hoeheu mai ia Mr. Butler mai, kekahi o na loea a puukani himeni a paahana Kristiano e kaahele nei no ka hana ma kana misiona ma ke ao me kana wahine.
Lehulehu na himeni i kaulana i meleia mai e Mr. Butler me ke kokua pu ia e Mrs. Butler ma ka piano ame ke komo pu ana o ke anaina e himeni ma kekahi mau himeni i kamaaina. Ua noi mai o Mr. Butler
i ke anaina ma ka manawa e malamaia ana o ka pule mehameha o ka poe i manao e hiki ana ia lakou Ke hoohuli mai i kekahi mau uhane no Kristo e kau ae i na lima iluna, he kakaikahi wale no mau lima i ikeia aku i ke kau ae mo he mea la no ka maopopo ole paha ke kumu.
Na ke Kahu Akana Akaiko ka pule wehe, na Rev. H. K. Poepoe ka heluhelu Baibala—Halelu 100, a na Rev. H. P. Judd ka pule laula.
Na ka papa himeni o Maluhia i haawi mai i kekahi himeni nani i haku noeauia a i pili pono no ke anaina haipule, a mai ka papa himeni mai a ke C. E. i meleia mai ai kekahi himeni u'i i kupono loa e laweia no ka hookuku ana i keia makahiki ae, ina he hana kekahi o ia ano e malamaia ana e na Kula Sabati o na mokupuni.
Hoomaka o Butler e Himeni
He umi makahiki i kaahope aku nei i Honolulu nei no oia, o ka poe i ike a i lohe mua iaia i ka himeni aole no e poina ana ka lakou hoomanao ana nona, oia kekahi o na olohe himeni.
O kana hana mua mamua o kona himeni ana i kekahi mau himeni kaulana a i hakuia e kokahi olohe hakumele o ia ke a'o ana mai i kekahi himeni mama i ke anaina, i hiki ai e paanaaua a i hookahi ka himeni pu ana aku me ia, a na hoohalaia kekahi mau minuke ma ia hana, a i ka paanaau ana i ke anaina, hookahi ka himeni pu ana aku o ke anaina me ia. Ekolu ana mau mele o ka himeni ana mahope iho, o kekahi o ia mau himeni "The Holy City" he himeni i mele mua ia ma ka Puu o Puowaina ma kekahi kakahiaka Sabati Easter, a i lohe hou ia maloko o Kawaiahao ma kekahi manawa mai ke Kahu Akaiko Akana mai.
Nui ka maikai o ko Mr. Butler leo iaia i himeni mai ai me ke kokua pu ia mai e Mrs. Butler ma ka piano.
Kana Mau Olelo Pokole
He mau olelo pokole kana ma kana haiolelo mahope iho imua o ke anaina. "Hiki anei ia oukou ke hoohuli mai i kekahi mau uhane no Kristo." wahi o kana ninau ma ka hoomaka ana. "O ka 'pessimist' oia ka mea e hoole ana 'aohe hiki.'
O ka 'optimist' oia ka mea e olelo ana 'hiki no,' koe nae kona hana ana. O ka 'pessimist' oia ka mea ikaika o ka manao ame ka uhane no ka hana me ka makaukau mau e hana aku, a o ke 'Doer,' oia ka mea e hana ana. O oukou anei kekahi poo e hana ana no ka Mea i haawi Iaia iho e make no ke ao." wahi hou ana o ka ninau ana mai.
Alaila hoakaka mai Ia oia i kekahi moolelo pokole e pili ana i ka mea haiolelo kaulana D. L. Moody. Iaia e kau ana ma ke kaaahi a e heluhelu ana hoi i kana buke Baibala, hele aku la kekahi kanaka a noho ma kahi kokoke mai i kahi ana e noho ana, a i ka hala ana o kekahi manawa ia Moody ma ka heluhelu ana, huli aku la e naua i ke kanaka a ninau aku la ina ua heluhelu oia
i ka Baibala Hemolele a ua manaoio oia i ke Akua. Ua hoole mai la ke kanaka, alaila heluhelu aku la oia imua ona i kekahi mau pauku Baibala a kukuli iho la e "pule, e noi ana i ke Akua e hoohuli mai i ke kanaka mai ka noho ae'a a i kona lilo ana i kanaka manaoio Akua ma ia hope aku, a ua hookoia ia leo pule
o Moody.
I ke ku ana o ke kaaahi i ka hale hoolulu kaaahi lele aku la o Moody, a iaia i lele aku ai noho iho la ke kanaka a nalu iho la iloko ona no ka inoa o ke kanaka i kamailio pu ai me ia, a no ka maopopo mua ole iaia o Moody ka mea i kamailio pu ai mo ia holokiki aku la a ku mawaho o ka holopapa o ke kaaahi a kahea aku la ia Moody e hele la e hoike mai i kona inoa, ia lohe ana mai o Moody huli mai la ihope a pane mai la me ka leo nui o D. L. Moody Akahi no keia kanaka a ike ia Moody, he lohe wale no i kona inoa me kona kaulana i ka haiolelo. Ua pomaikai ua kanaka la mamuli o kona hui ana me Moody a hoohuliia oia i Kristiano.
Ia manawa i noi mai ai o Mr. Butler e pule ke anaina ma ka naau e noi ana ma ia pule e hoohuliia mai kekahi o na hoaloha a mau makamaka i ohua no Kristo, a ia manawa hookahi i noi pu mai ai o ka poe e hooko aku ana ia hana e kau ae na lima iluna.
Wahi ana ma ka hope loa o kana mau olelo aohe ona home, no na makahiki he 17 kona kaahele ana me kana wahine ma ke ao akea no ka hana hai euanelio.
Hookuuia ka halawai me ka hi-meni hookuu ame ka pule mai ke Kahu Akaiko Akana mai.
HOOMANOIA KA LA O KE KA-
MALIIWAHINE PAUAHI.
Elike me ia i malama mau ia ai
i na makahiki lehulehu i hala pela no na haumana o na kula Kamehameha i malama ae ai i na hana hoomanao no ke Kamaliiwahine Bernice Pauahi Bishop, ka mea nana i hookumu ia mau kula, ma ke kakahiaka Sabati nei a ma ka auwina la. He anaina haipule ka i malamaia maloko o ka halepule Bishop Memo-rial Hall, a na ke Diakona Richard H. Trent, kekahi o na hoa o ka Papa Kahuwaiwai o ke kula, i haawi ae i kekahi haiolelo hoomanao.
Ma ka auwina la ua malamaia e na haumana o na kula a elua ke-
mau aku ana oia i kana mau kaikamahine hanauna, me he mau kaikamahine ponoi la nana.
No kela hooneleia ana mai nae o kana mau keikikane me kekahi mahele o na waiwai o Alabaki Wadona, ua lilo ia i kumu huhu nona, aka i wahi nae e hookoia ai kona mau manao alunu a makee waiwai, ua hoolala oia i kinohi o ka noho ana aku o na kaikamahine opio me ia, e hoao aku ana oia ma na ano apau, i wahi e holo pololei ai kela waiwai iloko o kona ohana, mamuli o ka mare ana aku o na kaikamahine opio, i kana mau keikikane.
Aohe he noonoo okoa ae o kela wahine, i wahi e holo aku ai ka waiwai i kona ohana, o kela wale ae la no mamua, oiai nae, ina e hookipa aku oia i kela mau kaikamahine me ka manao aloha, lawelawe aku i na mea apau no laua e hauoli ai, aole no e nele ka pana'iia mai o kana mau hana maikai apau, me na mea kupono, e hoohauoliia ai kona manao.
Aole nae pela na hana ma ka aoao o kela wahine, o ka huhu, ka pikanana, ke keke, ame na hana hoowahawaha apau, o na mea iho la ia a keia wahine e hoikeike mai ai i na kaikamahine opio; aole loa he wahi hoailona iki, ma kekahi ano, e hoike mai ana, aia he lihi hoihoi iloko ona no laua, aka no ka waiwai aku maloko o kona home.
He mea kau la i ka loihi o ko lakou noho pu ana, a kahea aku o Mrs. Wadona ia laua ma kekahi mau inoa hoopailani, apo aku la hoi kona mau lima aloha, elike me ke ano o na makuahine makee keiki, a oki loa kona honi ana ia laua no hookahi manawa, he uahoa maoli no o na uahoa, ke ano o kela wahine, elike no hoi me kekahi mahele nui o na wahine e noho mai nei i keia la.
No keia ike o kela mau kaikamahine opio, i ke ano o ko laua makuahine hou, ua komo ke kaniuhu ame ka ohumu iloko o ko laua naau, aka nae, i wahi e lilo ole ai a hana a kela wahine, i kumu hookaumaha mai i ko laua noonoo, e nana mau aku ana kekahi i kekahi, me he kaikuaana la i ke kaikaina, a e hoikeike aku ana kekahi i kona manao aloha no kekahi, nolaila ua loaa no he noho hauoli ana ia laua, ma kela ano iho la.
No na makahiki nae ehiku, aole he hoomaopopo iki o Mrs. Wadona no ka pipilipaa o ke aloha o keia mau kaikamahine kekahi no kekahi; aka i kekahi la akahi no oia a ike maoli i ko laua ano, me ka pii ana mai o ka hoonaukiuki ame ka lili iloko ona, a hooholo iho la oia i kona manao, e hookaawale i ka pili mau ana o kela mau kaikamahine, aka e pili aku me kana mau keikikane, i hookahuaia ai ka manao aloha mawaena
o kekahi no kekahi.
i Ua loaa ka ike i kela wahine, ina e hookuu aku ana oia, me ke komo ake'ake'a ole aku i na hana e mau ai ke aloha o kela
! mau kaikamahine ia laua iho, alaila, aole ana laua e hoihoi e hoopipili mai ia Uilama ame Peleka.
He kaikamahine kino pu'ipu'i o Lola Perekona, ke ano o na kaikamahine hiehie ma ke komolole, he mau maka nunui kona. O kona ili, he keu aku ke a'ia'i me ka pahee, o kona ihu ame na lehelehe, he keu a ka miomio, a o kona lauoho, he ehuehu, o ia no oe o ka waigula, ka hulalali ke loaa mai i ka malamalama o ka la. O kona mau ano apau ke nana aku mawaho, he kaikamahine oia i piha i ka oluolu me ka waipa-he, he noho malie me ka maiau ma kana mau mea apau e hana ai, aka nae aia maloko aku o kona umauma, i hunaia ai ka uahoa ame ka paakiki, ma kana mea i makemake ai, aia wale no a hookoia, alaila oluolu kona manao.
Ua loaa mua ka ike ia Mrs. Wadona, aole he pono iaia ke hoohuhu i kela kaikamahine, oiai ma kona mau maka ke nana aku, aia na hoailona apau o ka uahoa, ina he mea kekahi e hanaia aku ana e hoehaehaia ai kona noonoo. Me kela ike iloko ona i ko Lola ano, ua akahele mau oia ma kana mau mea e kamailio ai iaia, he oiaio, ma ia akahele ana, ua maikai maoli o Lola, me ka lawelawe i kana mau hana apau oloko o ka hale, me ka holopono, a he maiau kona hooponopono ana
i kona mau lole, a ke komo mai no oia i ka lole, he hiehie ma-
oli, me ka maemae o kona mau ano apau; a ua komohia no
ka manao hoohihi me ka haaheo iloko o Mrs. Wadona nona.
No Alika Wadona hoi, he kaokoa loa kona mau ano ame kana mau hana mai ia Lola ae. He kaikamahine u'i no keia o kona helehelena, eia nae he u'i i kaokoa mai ko Lola ae. Ma kana mau hana, me ka pupuahulu wale no oia e lawelawe ai, aohe ona hooponopono i kona mau lole, a o ka mea nui loa iaia, o ka paani, a he hana lealea loa nona, ke kamailio i na olelo hoakaaka, me he mea la, e kau mau ana na huaolelo hoakaka ma kona waha i na manawa apau. Me kela mau ano nae o Alika, he kaikamahine oluolu loa oia, a o kana mea pipili loa, o ka poe i hoike aku i ko lakou aloha iaia.
No ko Mrs. Wadona ike mai i ko Alika ano kamalii, me ka makemake mau i ka paani, ame na hana kolohe, e kamailio mau ana oia iaia me ka leo nui, no kona manao e maka'uia aku oia, aole no nae ia he kumu no Alika e wiwo ai, a i ole hoolohe aku paha i kana mau kauoha, ke ike oia, aole i pololei.
Iloko o keia mau makahiki loihi, aole loa he hookahi manawa a Mrs. Wadona i hoomaoe aku ai imua o Lola, no ka iini nui iloko o kona puuwai, e mare kela kaikamahine me kekahi
o kana mau keikikane, aka mahope mai nae, o kona kamailio
ana me Alika, elike me ia a kaua e ka makamaka heluhelu
i ike mua ae nei, a ua o Alika, o ka hua'i pau ana aku imua o Elioka, aole ua wahine nei i huna hou iho, no ka mea ua hemo aku la kana meahuna, o ka hoea wale mai no i ka hookoia ana o kona iini, ka pahuhopu o kona mau manaolana.
No Elioka Hakoka hoi, aole oia kekahi o na keiki a Uilama Wadona ame kana wahine, aka he keiki oia na kekahi hoahanau pili mamao o Mrs. Wadona. He kahakii kana oihana, a i hoi mai oia e noho maloko o ke kulanakauhale, no ka hoomahuahua ana ae i kona makaukau ma kela hana, a oiai aole no ona ohana e ola ana i kela manawa, nolaila ua noi aku la o Mrs. Wadona iaia e hoi mai e noho maloko o kona home, me ka haawi ana aku i kekahi mmi nui, i wahi nona e hiamoe ai, a e kaha ai i kana mau kii; o kona ai ana no nae, e hele ana no oia ma ka haleaina.
He ekolu makahiki ka noho ana o keia kanaka opio me kela ohana, a iloko o ia mau makahiki, i launa mau aku ai oia me ka nui o ka poe oloko o kela home, me kona noho ole nae e ai pu me lakou, elike no me ka rula paa iwaena o na haole.
No kona ike pono no hoi i na ano a keia makuahine hanauna ona, ua komo ka manao hoowahawaha o na kaikamahine opio; aka no Uilama Wadona, ua nui kona mahalo no kela kanaka, no ka piha oluolu a lokomaikai.
No kona mau hoahanau hoi, oia o Uilama ame Peleka Wa-
dona, aohe wahi mea a pilipili mai iaia, a he kakaikahi loa kona manawa ike aku ia laua. No kona manao no kana mau mea i hoomaopopo ai no Lola, aole ona hoikeike wale ae i kekahi mea, aka no Alika, e hoolilo ana oia i kela kaikamahine i hoa paani nona, a o kona hoa kamailio mau iho la no ia i na manawa kaawale apau; a ua nana mau aku no hoi o Alika iaia, he hoaloha a he mea hooluolu mai i kona mau manao kaumaha.
No ka hoopipili mau nae o Alika ia Elioka, ma kela ano hoaloha no o ko laua noho ana, ua lilo loa iho la ia, i kumu huhu no Mrs. Wadona, ahiki ka papa okoa ana aku o ua wahine nei ia Alika, aole e hele hou noloko o ka mmi pena kii o Elioka, aohe nae he hooloheia aku o ia kauoha, elike me ka kaua i ike ai, ma ka hoomaka ana mai nei o keia moolelo.
"Eia au la, heaha kau hana i makemake ai e haawi mai na'u?" i pane aku ai kekahi leo me ka hoihoi, mahope aku o ke kua o Elioka Hakoka, oiai no oia e nanea ana i ka nana i kekahi o kana mau kii kaha, maloko o ke keena kahakii.
naala, ka Ilina o na Kamehameha a o ka Bana Hawaii kekahi i akoakoa pu aku ma ka manawa o na hana i malama ia ai malaila. O ka he kahi e moe mai la na iwi o ke Kamaliiwahine Pauahi kahi i hoohiwahiwaia e na haumana me na lei ame na pua a he anaina haipule pu ka i malaila me na himeni lehulehu i meleia.
He hapa kakini kaa uwila i hoolimalimaia no ka lawe ana i na haumana i ka ilina ame ka hoihoi hou ana ae ia lakou i na kula. Ua make ke Kamaliiwahine lokomaikai Bernice Pauahi, aka o ke aloha ame na hoomanao poina ole nona e ola mau aku ana i kiahoomanao nona. i
NA LEKA KII OLE IA MAI AHI-
KI I DEC. 16, 1922.
Ahia Mrs. Ema Kalai, Mrs. Helen
Ahu, Mrs. Jno. Kalani, Henry
Akima, Mrs. Lo- Kalaunui, Robert
kalia Kalama, Noah
Ulu Hima, The Kalei Joe
Haa, N. Kea, Mrs. Ma-
Haili, Mrs. Ellen mie C.
P. Kealoha, Mrs.
Helela, Mrs. Paul Martha M.
Hale Keawe, David
Hiapo, Miss Lil- Lawelawe, C. M.
lian (3)
Hipa, Daniel Lawelawe, Mrs.
Huleka, Ane Tony
Kaauna, Fanny Lelemanu, Mrs.
Kaanai, Mrs. Liwai, Mrs.
Theo K. Jackie
Kaapana, Abra- Maikai, David
ham S olomon, Mrs.
Kahawai, Sol- Lillian
mon
E ninau mai ma na leka i hoolahaia ke kii mai.
D. H. MacADAM,
Lunaleka.