Ka Nupepa Kuokoa, Volume LXI, Number 52, 28 December 1922 — Hoikeike ka Lehulehu i na Manao Hauoli Piha ke Kaona Nei i na Kanaka ma ka po o ka Poaono no ka Hauoli Karisimaka PIHA NA HALEKUAI ME NA ALANUI APAU Hooloihiia ka Manawa Holo o na Kaa Uwila ma ia po no ka Pono o na Ohua [ARTICLE]

Hoikeike ka Lehulehu i na Manao Hauoli

Piha ke Kaona Nei i na Kanaka ma ka po o ka Poaono no ka Hauoli Karisimaka

PIHA NA HALEKUAI ME NA ALANUI APAU

Hooloihiia ka Manawa Holo o na Kaa Uwila ma ia po no ka Pono o na Ohua

Ma ka po o ka Ponono aku la i hala, i hoiko ae ai ka lehulehu, i ko lakou mau manao liauoli no ke Karisimaka, mamuli o ka hele o ko taona nei, a piha i na kanaka, oiai hoi na k-eiki amo na opio, e hoopaiakuli ana, me ka lakou mau pu puhi, ame na meapaani; me na kaa otomobile e hi-o ana ma na alanui, i hele a piha i ka ohua e hele ana mai kekalii wahi a i kekahi. Ua wehe liamamaia na halekuai o ke kulanakaūhale nei ma kela po, he mea kau la, i ka nui o na la, j o ke kuai ana o na mea Karisimaka, a ha'o iho ka piha o na halekuai, me lio mea la i ka nana aku, ma kela po, ua unuia mai na mea apau a piha ke taona nei. Ua hele oloko o na hale kiionioni, a pilia i ka poe nana kii, pela hoi malalo ae nei o ka hoikeike a ka Ilui Ma-lu Plioenix, ma Aala Paka, a mawaho ae nei o ka Aloha Paka, ua hele leeia mau wahi a piha i na kanaka, e hoike mai an» no ka nui 0 ka hauoli iloko o na mea apau. Ma ka aoao hoi o na halekuai o na ano like ole., ua hoike ae na ona no lakou ia mau haleleuai, i ka nui o ka laki, o ka lakou mau oihana i keia Karisimaka, i oi aku i ko ka makahiki aku nei i hala, he hookahi kumu o ka nui o kela laki, mamuli o ka lako o na kanaka me ke dala. Maloko hoi o na haleaina, mai na haleaina liilii, a hoea aku i na hokele ua hele ia mau wahi a piha, no ka mea malaila kekahi heluna nui o na kanaka i momoku aku ai, no ka ai ana, i na meaai i hoomakauleauia no ke Karisimaka. I ka nana aku, o ka poe he mau kaa otomobile ko lakou, ame ka poe otomobile ole, aka i hoolimalima aku i mau kaa no lakou, o kekahi hana nui ma kela po, o ia no ka holoholo ana, a e nana ana i na hana hoohauoli, mai kekahi wahi a 1 kekahi. Ua holo na kaa uwila ma kela po he hookahi hora mahope aku o kona manawa mau e pau ai, no ka halihali ana, ame ka hoilioi ana i na ohua o na wahi mamao, me ka piha mau o na kaa i na wa apau, i ka poe e hoi ana no na home ame ka poe e hele mai ana no ke taona nei. He hookahi paha hoi kumu o ka nui o ka poo holoholo ma kela po Poaono, no ka malie maikai, aohe i like me kekahi mau Karisimaka aku nei i hala, aka nae, o ke kumu nui loa, o ia no ke ake o na mea apau e ike i kekahi mau hiona ame na hana, e hoohauoliia aku ai ko lakou manao. Ma ke ao ana ae i ke Sabati nei, 0 kekahi ia o na la maluhia loa, aole he ikeia o na hana hi-o, a hooliauoli, ua hoohala kekahi poe i kela la, maloko o na halepule, ua hoomaha hoi kekahi poe ma na home, aka nae ma na hora o ka auwina la, i hoohala ae ai lakou ma ka hele ana e makaikai i na hana hopkuku kinipopo pekuwawae mawaho ae nei o Kamoiliili, a mawaho no hoi kekahi poe o ka Aloha Paka kahi i hoohala ai, a he mau paina ka kekahi poe i hele ai, ma kekahi mau home, am« na wahi i hookaawaleia no kela hana. He hookahi la kulaia ano nui i koe, o ia ka Makahiki Hou; e lilo ana no ka po o ka Poaono, i manawa no na hana hoohauoli ma ke taona nei, o keia ka; po, o na hana hoopaiakuli, i hookuu laulā ia ai, 1 ka nana aku, o ia po piha hou aku ana ia i na kanaka o ke kulanakauhale nei, a ma ka po o ke Sabati mai, ame ka Poakahi ae no hoi, e komo kino aku ai na kanaka Hawaii iloko o ka hauoli ana no ka Makahiki Hou, ma o ka malama ana ae i mau paina ma ko lakou mau home, elike me ka mea maa i ike mau ia i na makahiki ae 'nei i hala. No ke komo ana iloko o na hana hoohauoli no ka makahiki hou, o ka po o keia Poaono ae K.a manawa a ko ke kulanakauhale nei poe e hoopiha ai i ko kaona nei me na mea hoopaiakuli pepeiao, a e malama pu ia ana no hoi ho hulahula alanui, elike me ka maa i na ahiahi apau, »mamua ae o ka. la makahiki hou.