Ka Nupepa Kuokoa, Volume LXI, Number 52, 28 December 1922 — WEHEIA KA FEA A KA AHAHUI PHOENIX [ARTICLE]

WEHEIA KA FEA A KA AHAHUI PHOENIX

"Eiwa, lawe ehiku, ehia i koel" "Elua," wahi'a ka lio ukulii i hoike mai ai i ka lehulehu ma Aala Paka, ma ka fea a ka Ahahai Phoenix. Ma ke ahiahi Poaono nei, a oiai e kani hone ana ka leo o ka bana ma Aala Paka ma ka hora 7, ua hemo malie ae la na panipuka o ke kahua o Aala Paka, ke kahua e malamaia nei na hana hoikeike a ka Ahahui Malu Phoenix, me ka hele o ia kahna a uluwehi i na kukui nwila o na waihooluu like ole. E kani kupinai ana na leo o na ole a na kamaiki; e kani hone ana ka leo o na pila, oiai, ke aluka o na kanaka e komo mai ana iloko o ua kahua nei, me na helehelena lamalama, he hoailona hoi no ko lakou piha me ka hauoli, me ke ake pu e ike i na mea hoopihoihoi noonoo i laweia mai ka aina makua mai. He ku i ka nani na hoikeike, he mau mea hoi o ke ano hou loa i ike mua ole ia e ka hapanui o ko Hawaii nei poe. O kekahi o na hoikeike nani, o ia no ka hoikeike keaka lio, a Poropeka Robinson. He heluna nui o na lio liilii Arabia i a'oia a ua hele maoli no a laeula ma ka hana paikau ame kekahi mau hana e ae i kupono loa na ke kanaka e hana. Aia iwaena o keia pu-a lio, kekahi wahi lio ukulii loa nona ka noonoo i like aku me ko ke kanaka. Ua hiki iaia ke ike a hoomaopopo i kela ame keia ano waihooluu like ole iluna o ka lole. Ua hiki iaia ke helu i ka nui o na la hana, aole wale o ii, aka, ua' ke #o-' uluulu, hoolawe a pela wale aku. Aia iwaena o keia mau mea hoikeike kekahi wahi kanaka ukulii i hanau kupaianaha ia mai, he wahi kanaka ukulii nona kekahi ike kupaianaha loa. Wahi a kekahi poe o ka hoike ana ae mahope iho o ko lakou haalele ana mai i kela kahua ma kela po, o keia kekahi o na hoikeike helu ekahi a lakou i ike ai. Ma ke kakahiaka Poakahi mai, ka La Karisimaka, ua pihaku'i ae kela kahua i na kamalii ma ke Kumulaau Karisimaka Malihini, nona ka heluna i hoea aku ma kahi o 5000 a oi aku, me ka hoolawaia ana o na mea apau me na makana like ole, a ma ka hoike nui, ua holomua maoli na hana e pili ana i keia kumulaau, a ua kaa aku ia malalo o ka hookele ana a E. S. Boyd, Sam Manu ame ka Lunakanawai Desha, ke komite maluna o ia hana. Eia ke hoomauia mai nei keia mau hana hoikeike i na po apau, a hoea loa aku i ka po o keia Poakahi ae, ka po hope loa, ma ia po e haawi makanaia aku ai kekahi homo nona ka waiwaiio o $5000 ame kekahi kna otomobile i na mea i loaa ai ia laua na helu laki.