Ka Nupepa Kuokoa, Volume LXI, Number 52, 28 December 1922 — KUEHUEHU AE LA O KAHUKU I KONA MAU EKEKEU. [ARTICLE]

KUEHUEHU AE LA O KAHUKU I KONA MAU EKEKEU.

Mr. Lunahooponopono, Aloha oe a nui:—Nani o Kahuku aina i kona lewa ana ma ke kula Sabati o Nov. 26, ko Hauula Huiia, me Waialee hoohuiia me Kahuku nei, na hana ano nui i kuluma apuni na Kula Sabati. Ua holomua keia mahele ma na liana kula Sabati. He kaliu opiopio mama na hana ano hou, o ia hoi ke komo ana mai o na Pukiki ma ka mahele kula Baibala ma ka olelo Beritania a olelo Hawaii, me ka nana ole ia owai kou hoomana. Ua alakaiia mai na I'ukiki a ua nui ko lakou hauoli a makemake i keia hoomana, a hoomaka lakou e uwehe mailoko mai o ko lakou hoomana kumu mai o ka lakou mau wahine pu, ame na keiki ke hoomau pu nei me na Hawaii i ka i'o puaa o ke Kula Sabati, aole kanana a oiai, o Kahuku hana nui keia. Ma keia Sabati 3, o Dec. nei, ua kaheaia aku na Ahahui C. E v o ke komohana ame ko ka Hikina hema, e hoohui hou ia ma Kahuku nei. Ua hoomakaukau hou ia no, na kalua puaa me ka pipi laulau ame na aholehole momona o lee ehukai mai, ame na linu limukala o Ukoa, i mea nana e kaomi aku i ka momona o na i'o puaa lawalu, e oni ana i ka makani Laeokahipa i Nawaiuolewa. A ma keia wahi aole no i lihi launa aku ka mea kakau i keia hoohui, aia no hoi au i na hana kumau o ko'u hoomana, aka, ma ka ike i loaa i ka mea ike a ka haiolelo, aohe he mea a nalonalo aku, ame k-ela aniani o Kupelina, pela i huki pau poo apau hui ia mai ai kela moho haole kaulana o ke ao nei i ka himeni a make a lilo ana ia Kahuku nei, makekahi mahele, pupu hooleiloa, a noho ana ia Kahuku a ke kupaianaha lua ole. Aole keia he pai e noonoo iho no hoi, a olelo ae penei, o ke kulanakauhale poo hoi keia o Hawaii nei, a noho iho hoi m ana luakini poo o Kawaiahaao ame Kaumakapili, o kela kuaaina haalele loa hoi ilaila ka hoi e hoau mua loa ia ai, keia haole kaulana. Ina pela, a auhea mai o« he manao kuhihewa a kuhipono kela.

Ea, auhea hou mai oe, aia ke au ke-ko nei ilalo he matelia hoonee, ua olelo ae ke kahu opio, he nui na misini hoohana i koe, ahiki mai, koe aku koloko o na Hui C. E.,

malia o hue pau ia mai, eia nfau kiai loko no. O ke aloha Hapenuia, a Karisimaka no ko kakou apau loa. JOEL K. APUAKEHAII,