Ka Nupepa Kuokoa, Volume LXI, Number 52, 28 December 1922 — NUI NA HAAWINA DALA NO NA KEENA TERITORE. [ARTICLE]

NUI NA HAAWINA DALA NO NA KEENA TERITORE.

Ma na huahelu i hoomakaukauia no kela ame keia keena oihana o ko Teritore, a e traihoia aku ai imua o ka ahaolelo, ma ka manawa e noho mai ai iloko o ka mahina o Peheruari o keia makahiki ae, ua ikeia, he keu aku maoli ka nui o na haawina i makejpakeia, ua hiki aku ma kahi o ka $1,715,000, ka oi aku niamua o ka loaa makahiki, no na makahiki elua e hoea mai ana. . laa e huiia ana na haawina a kela ame keia keena o ke Teritore i makemake ai ua hiki aku ka huina nui o na dala, ma kahi o ka $7,315,631, he huina kiekie loa i ike ole ia ma ka moolelo o ke ku ana o ke aupuni Teritore. Ma ka mea oiaio maoli ua ake mai kela ame keia keena oihana, e loaa aku he mau haawina dala mahuahua, me ka nana ole ae, i kahi e loaa aku ai ia mau huina dala; a o kekahi kumu paha, i ka wa e pokepokoia mai ai e ka ahaolelo, ia wa e haule iho ai, a i ka huina oiaio i makemakeia. 0 ke keena o ka puuku, ke keena nui loa o ka haawina dala i makemakeia, he hookahi nae kumu o kela nui, no ka mea aia he aie, a ke aupuni e uku aku ai, mawaho ae o na hoolilo i pili pololei loa i ka hoohana ana i kela keena. Maloko o kekahi mau keena oihana, o kekahi o na kumu, no ke ake ana mai e haawiia aku he mau haawina dala mahuahua no keia mau makahiki elua e n«e aku uei, mamuli mai no ia o ka hoomahuahua hou ana ae i ka ukuhana o kekahi poe, a pela hoi, ka hoolimalima ana aku, i mau limahana hou. Mamua nae o ka waiho ana aku o kela mau haawina dala i makemakeia mai e na. keena like ole imua o ka ahaolelo kuloko, e kuekaa mua ana ke kiaaina i na itamu pakahi, o kela ame keia mahele like ole, o na haawina dala i makemakeia ai, A kauka'i aku, i ka ka ahaolelo mea e hana mai ai, ina paha no ke apono mai i na huahelu e waihoia aku ana, a i ole, hoomahuāhua, a hoemi paha, elike me ia e ikeia ana he pono.