Ka Nupepa Kuokoa, Volume LXI, Number 52, 28 December 1922 — HE WEHI HOOHENO NO HAALILIO. [ARTICLE]

HE WEHI HOOHENO NO HAALILIO.

E ola Hawaii Nui o Keawe, Ka manu oo hulu melemele, Kapa ahuula o Haalilio, He welo mai na kupuna mai, Nanaia mai ko pulapula, Ka na'i aupuni a Kamehameha, Poniia oe e na Mana Lani, Bilaia i paa na mana koho. Ka elele kaulike a ka lahui, He aloha aina he oiaio, A welo ko hae a lanakila, A hehi i ke kapu o Wakinekona, Haina ia mai ana ka puana, E ola Hawaii Nui a Keawe, Hea aku makou e o mai oe, O Haalilio kou inoa. E ola o Maui puhi lauhulu, Ka lei hulumamo o Haalilio, He mamo mai oe na Kahekili, He uina he nakolo i Wakinekona. . O ka hana ana ia a ka noeau, Ka hoku hele o ka Pakipika. Poniia oe e na Mana Lani, Silaia i paa na mana koho. Ka elele kaulike a ka lahui, He aloha aina he oiaio, A welo ko hae a lanakila. A hehi i ke kapu o Wakinekona, Hainaia mai ana ka puana, E ola o Maui Nui o Kama, Hea aku makou e o mai oe, O Haalilio kou inoa. ' Kaulana Molokai i ke kuikui, Ka ulukukui o Lanikaula, Ua a e ke ahi ahi a Kawelo, Huhewa ia paha ka mohai ana, Hololua i ka pule a ke kahuna, Poniia oe'e na Mana Lani, Silaia i paa na mana koho. Ka elele kaulike a ka lahui, He aloha aina he oiaio, Welo ko hae a lanakila, A ku i ka nuu o Wakinekona. Eainaia mai ana ka puana,^ E ola Molokai a ka pule 00, Hea aku makou e o mai oe, O Haalilio kou inoa. Hanohano Lanai i ke Kaunoa, Kohu kapa ahuula kau Ka hale keokeo ka 'u ike ana, Ua ku ka haili a ke kahuna. Aole no oe e loaa mai i ka'u helu o kau aua, Ua poniia oe e na Mana Lani, Silaia i paa na mana koho, Ka elele kaulike a ka lahui. He aloha aina he oiaio, A welo ka hao a lapakila. A ku i ka nuu o Wakinekona, Hainaia mai ana ka puana, E ola Lanai a'Kaululaau, Hea aku makou e o mai oe, 0 Haalilio kou inoa. Hanohano Oahu lei ka ilima, Ko papahi lei e Haalilio, Ko lei elaimana i Amißrika, A lei i ka lei o ka hanohano, Ua poniia oe e na Mana Lani, Silaia a paa e na inaiia koho, Ka elele kaulike a ka lahui. He aloha aina he oiaio, Welo ka hae a lanakila, A noho i ke kapu o Wakinekona, .Hainaia mai ana ka puana, E ola Oahu o Kakuhihewa, Hea aku makou e o mai oe, 0 Haalilio kou inoa. Kaulana Kauai i ka pahapaha, ku limu ka kanaka ia Maunakepa, He moani ke ala o ka mokihana, Kau hana ike o ka noeau. Eha oukou kau i ka hanohano, Likana Eliwai ka makuakane. Poniia oe e na.Mana Lani, Silaia i paa e na mana koho, Ka elele kaulike a ka lahui, He aoha aina he oiaio, Welo ko hae a lanakila, A noho i ke kapu o Wakinekona. Hainaia mjai ana ka puana, E ola Kauai Kauai o Mano, Hea aku makou e o mal oe, O Haalilio kou inoa. E ola Niihau a ka paoo, Ka ai uala kamaaina, Kiina ko i'a o ka pauoo, Ke kupueu la o ia wahi. Ua poniia oe e na Mana Lsni, Silaia a paa e na mana koho, Ka elele kaulike a ia lahui, He aloha aina he oiaio, Welo ko hae a lanakila, A noho i ke alo o Wakinekona. Hainaia mai ana ka puana, E ola Niihau i ka paoo, Hea aku makou e o mai oe, O Haalilio no kou inoa. Hakuia e ALBERT K. POONIKA.