Ka Nupepa Kuokoa, Volume LXI, Number 52, 28 December 1922 — HE HOALOHALOHA NO KA MAUA LEI HELELOA. [ARTICLE]

HE HOALOHALOHA NO KA MAUA LEI HELELOA.

Mr. Lunahooponopono o ke Kuokoa; Aloha kaua:—E oluolu mai i kekahi rumi kaawale o ke Ki-lohana a kaua, e uwila ae i ike mai ai na kini lehulehu, o ka maua lei hele loa Henry Kukahiko, mai ka la hiki a ka welona i Lehua. Ua hoomaka mai ka hekau ana o ka ma'i maluna o ka leialoha a maua mai ka mahina mai o Augate, ahiki wale no i kona haalele ana mai, ua piha na mahina o kona kaama'i ana he 4, me 13 la o ka hoomailo ana o ka ma'i. Aloha ka leia-i a maua o na pali huli lua o ka aina. ii i ī ii ī i ■ ih'mi ' nmiii

panoa o Niu. E ka ua Peepapohaku o Kaupo e, aole oe e hoopulu hou ana ma kona mau papalina, ua pau ua nalo. Lihaliha wale! Ua hanauia ka maua mea aloha ma ka la 9 o lulai A. D. 1890; Nolaila ua piha iaia na makahilei he 23, eha mahina, 22 la o kona hanu ana i na ea huihui o keia ola. honua ana; ko ae la ka olelo a ka Buke Nui, e hoi ka lepo i ka lepo, o ka uhane me ia, Nana no i haawi mai, Nana no i lawe aku, e hoomaikaiia kona inoa ma na lani kiekie loa, he malu ma ka honua he aloha i kana poe kauwa amene. O maua iho no me ka luuluu, MR. KIIKAHIKO, MES. KUKAHIKO, Kaupo, Maui, Dee. 15 ; ~4022.