Ka Nupepa Kuokoa, Volume LXI, Number 52, 28 December 1922 — KA MAKAHIKI E PAU ANA [ARTICLE]

KA MAKAHIKI E PAU ANA

O ka makahiki e kokoke loa aku nei e pau, o kekahi iaj cj na makahiki, i loaa ai ia kakou ka holomua loa ma Hawaii nei, elike me na mea oiaio, i hoomaopopoia, ma ko kakou mau oihana kalepa ame ga oihana hoopukapuka no apau, iloko nei o ka aina. He mea oiaio, ua lilo ka ninau limahana, i ninau ano nui, ma na oihana mikiala o kakou nei ,eia nae, me ia pokole no o na limahana, ua halawai no na mahiko o kakou me ka holomua i keia makahiki, pela me ka oihana kanu halakahiki, ame. na oihana mahiai e ae. Iloko o ke emi o ka ukuhana o na limahana o na mahiko, elike me ia a na hui uniona e koi mau nei, ua ikeia ma keia makahiki e nee nei, ua hoouna aku na limahana Kepani i ko lakou aupuni, i kekahi mahele o ko lakou mau ukuhana, i hiki aku ka huina ma kahi o na miliona daia, nolaila he hoike oiaio keia, no ka halawai like ana o na limahana ame na haku mahiko, me na haawina o ka holomua ame na pomaikai. Ma ka moolelo o na hana hoahu dala maloko o na hanako, o keia kekahi o na makahiki kiekie loa o na dala i hookomoia aku iloko o na hanako o keia kulanakauhale, e na lahui like ole, he hoike keia, no ka lilo ana o ka hana hoahu dala, i mea ano nui iloko oka noonoo oka lehulehu; he hookahi nae kumu hiki o keia hana, mamuli mai no ia o kela kulana holomua o na hana apau iloko nei o ka aina. Ke huli aku hoi ihope, ma ka nee ana mai o keia makahiki, a hoea iloko o keia mau la hope, ua nui na home i kukuluia no kekahi heluna nui o na makaainana, ka mea i ike ole ia i ka makahiki aku nei i hala. Ua nui na malihini makaikai i kipa mai i Hawaii nei, me ka halihali pu ana mai 1 kekahi mau dala mahuahua, a waiho iho maloko nei o ka aina, mamuli o na mea a lakou o ke kuai ana ma Hawaii nei; ka mea hoi nana i hookau ae i kekahi mau hokele o kakou ma ke kulana holomua. Ua nui ria hoike maopopo loa, no na haawina holomua i loaa ia kakou ma keia makahiki e pau ana; no ia mau pomaikai nae i loaa ia kakou, ua piha pono iho la ko kakou hauoli ana no ka makahiki e pau ana, a no ka makahiki liou hoi, e oili mai ana, me na manaolana nae, no ka halihali mai o ka makahiki hou ia haawina hookahi o ka holomua ame na pomaikai 110, kakou. - - w . J īelehelena hiehie a o ni