Ka Nupepa Kuokoa, Volume LXI, Number 52, 28 December 1922 — Nuhou Kuwaho [ARTICLE]

Nuhou Kuwaho

NU lOKA, Dec. 22—Ua ikeia ka pili o ka hewa pepehikanaka ia Abraham Becker no ka make ana 0 kana wahine, ka mea nona ke kino i loaa aku na uhiia a paa me ka puna a i kanuia hoi lualoko o ka pahale o kekahi hoaloha o Becker. LOS AN6ELES, Dec. 22.—0 ka mokuahi lawekoa Sherman mamua i hoololiia ae he moku e ho-aia ana me ka aila, e holo aku ana ia ma kana huakai mua i Honolulu no ka Hui Mokuahi o Los Angeles ma ka la 10 o Feberuari, o ia ka mea i hoikeia ma ka po nei. He inoa hoi kona 1 kapaia ke "Oalawa^." MELBOUKNE, Dec. 22— E hoike ana na huahelu o ke koho baloka i hooponopono hou ihe 29 mau hoa o ka ahahui o na limahana i kohoia no ka hale o na lunamakaainana, he elima ka oi ae i ko ke kau i hala maloko o ka hale. SAN DIEGO, Dec. 22.—Ua pau i ka hanaia e na moku hahai topido Corny ame ka Hull ka palapala aina o 12,000 mile o ka papaku o ka moana ma na wahi e pili ana i ke kapakai o Kaleponi mai ka Lao Descanso ahiki i raralons. Ua ike ka poe na lakou i ana i ka hohonu o ka moana aole i hoonioniia ka papaku e na olai a na luapele, aohe hoi he mau mauna i hoemiia i ka hohonu. BRUSSELS, Dec. 22.—He mau kaukani o na haumana mai na kula nui mai apuni o Belegiuma i hoala ae he mau hana hoohaunaele maluna 0 na alanui o ke Kapitala i ka po nei no ka lioike ana i ko lakou ku e 1 ka hana a na lunamakaainana nia o ka hoololi ana i ke kula nui o Ghent i kula nui Flemish. Ho iwakalua poe i eha iloko o ka manawa o na haunaele i ala ae ai.

ASBURY PAEK, Dec. 22/—Ma keia la iho la i pau ai ka huli āiia 110 ka manawa loihi no ka poe hana dala apulea na lakou i hoolilo aku ma 'e a maanei o ka aina i na bila kikoo dala apuka American Express Co., ma o ka paa ana o G. R. Banney, he kanaka kahakii papakeleawe o Nu Olina, ame James Watson ame W. H. Melan, elike me ka hoike a na luna aupuni federala. Dublin, Dec 22.—Ua loaa ka hoomaopopoia e koonei poe he heluna nui o na Ailiki Repubalika i hoopaaia aku maloko o ka halepaahao o Mountjoy i kakauinoa i kekahi kumuhana e hoohiki ana no ko lakou pili me ke aupuni kuokoa, a e hookuuia mai ana lakou mai ka hoopaaia ana ma ka halepaahao ma ka la Karisimaka.