Ka Nupepa Kuokoa, Volume LXI, Number 52, 28 December 1922 — KIPA MAI KA MOKUKAUA PELEKANE CAPE TOWN. [ARTICLE]

KIPA MAI KA MOKUKAUA PELEKANE CAPE TOWN.

Mahope iho o ka hooliala ana i kekahi mau la ma ka mokupuni o Hawaii amo Maui, i kapalulu mai ai ka mokukaua Pelekane Cape To"vrii, no Honolulu nei, ma ka auwina la o ka Poaha o ka pule aku nei i hala, a iloko o na la mua o keia pule ae, e haalele iho ai i keia awa, a lioomau aku ma kona alahele moana, no na wahi i mauaoia. Oiai e hookomo mai ana noloko ae nei o ke awa, i haawi ae ai ke Cape Town, i na ki-pu aloha ana he iwa-kalua-kumamakahi i ka hao Amerika, elike me ka rula maa iwaena o ka oihana kaua moana, he mau ki-pu aloha ana hoi, i panaiia aku ai e na koa marina, e kiai nei ma ka Papu Limaikaika. Mawaho ae o na ki-pu aloha ana i liaawiia mai e ka mokukaua Pelekane i ka hae Amerika, i ki hou mai ai na pu he umi-kumamaiwa, he mau ki-pu aloha ana i ke kiaaina o Hawaii nei. Ua lilo ka hoopili ana mai i kela mokukaua i ka uwapo, i mea makaikai nui ia e na kanaka, no ka hikiwawe ame ka maalahi loa, o kona hooliuli ana, i ka wa e makemakeia ai, aole elike me na moku nunui e ae, ke kakakii o ko lakou hoohulihuliia ana, ahiki i ka wa e pili mai ai i ka uwapo. Hakalia no a kau ke alapii o ka mokukaua, i pii aku ai na ukali o ka Adimarala Sampson, o ka oiliana kaua o Amerika maanei nei, pela me ka ukali o ka Mekia-Kenerala Summerall, o ka oihana koa, ame Kapena Henry Beckley ka ukali o ke kiaaina o Hawaii nei, noluna o ka moku, no ka hui pu ana me ke kapena, me ka waiho ana aku i na kono, no ke kipa mai e ike i keia mau luna oihana kiekie. E ukali aku ana mahope o kela mau aliikoa, i pii pu aku ai ke Ka- | nikela Peleleane iloko o kona kahiko j piha o kana oihana, 110 ka pahola I ana aku i ke kono i na aliikoa ame |na koa luina ame na koa marina e lel« mai nouka nei o ka aina, 110 ka hoohauoli ana ia lakou iho. Mawaho ae o kela mau luna oihana kiekie ae la maluna, ua hoea pu aku na komite mai ko Kalapu Pelekane aku, a mai na koa Pelekane aku, no ke kukakuka pu ana me na kanaka' oluna o kela mokukaua no ko komo pu mai iloko o kekahi mau paani hooikaika kino e malamaia ana mauka nei o ka aina, a no kekahi mnu huakai makaikai, ma na wahi pana o Honolulu nei, he mau kono hoi i apoia mai me na manao ohohia e na kanaka oluna 0 ka mokukaua. Ma ka hoakaka a na aliimoku, ua nui na mea e hooliauoliia ai ko lakou noonoo, oiai ma Maui, ua apoia mai lakou e na makaainana o kela mokupuni, me ija manao oliohia, ua like no na mea i hanaia mai ia lakou, e ko Hawaii poe, o ka mea nae nana 1 hookaumaha aku i ka noonoo o na mea apau, oiai ma Hilo, o ia no ka make ana o* kekahi aliikoa, ma kekahi ulia kaa otomobile, a loaa hoi i kekahi ka eha kukonukonu loa.