Ka Nupepa Kuokoa, Volume LXII, Number 1, 4 January 1923 — ELUA MAU ULIA ANO KUPAIANAHA. [ARTICLE]

ELUA MAU ULIA ANO KUPAIANAHA.

j Maiwaena mai o na ulia poino lehulehu i ikeia no ka la mua o ka makahiki, he elua mau ulia, ku i ke ano kupaianaha loa, a i maamau ole hoi ka ikeia i na wa ae nei i hala. , O ka mua o kela mau ulia, o ia no ke ku ana o ka wawaē o kekahi keiki opio o Daniel Nahole ka inoa i ka poka, oiai oia e hiamoe ana, a o kekalii ulia hoi, o ia no ke nahuia ana o ka manamanalima o kokahi Pilipino e ka i'a i paa i kana makau. Ma ka moolelo e pili ana i ka ulia i loaa ia Danicl Nahole, e hiamoe ana ka oia maloko o ka pa e pili pu. ana me kona hale, mauka ae nei o Kalihi, a i puoho oia i kekahi eha konikoni, ma kona u-ha akau, f mawaena o ke ku'eku'e wawae ame | ke kuli. ( Ma kona ala ana ae a nana ike kumu o ka loaa ana o kela eha i kona wawae, aole ona ike ae i ke- ; kahi m-ea, a i kona nana pono ana iho i kela eha, me he mea la, maluna iho ana o ka poka, a ku i kona wawae, me kona ike ole nae, i ka hoea ana aku o kekahi mea ma kela wahi, a ki i kana pu. I ka hoihoiia ana ae o kela keiki opio no ka halema'i o na poino ulia, no kona lapaauia mai, ua koho wale ia, me he mea la na kekahi mea, e hoohauoli ana i ka makahiki hou, i ki i kana pu iluna o ka lewa, a mailuna iho ka poka i haule mai ai, a ku i ka wawae o Nahole. Aole i kukonijkonu ka poino i loaa i kona wawae. No ka ulia hoi i loaa i ka Pilipino, penei no ia: Ua hoohala kela Pilipino i kona hauoli makahiki hou, ma ka hele ana e lawai'a, ma na uwapo ao nei ma kela Poakahi. Ua loihi no ka kona lawai'a ana, me ka loaa ole he i'a iaia, a e makaukau ana oia e huki mai i kana aho, no ka hoi ana no kona wahi, ia wa oia i ike iho ai i ke konikoni o kekahi mea i kaua makau, nolaila hoololo iho la oia i ke aho, a iaia

i koe mai ai> ua hoomaka aku la ka i'a e huki, o kona hooikaika no ia, ahiki i ke kau ana mai o kekahi i'a nui iluna o ka uwapo, mo ke komo loa nae o ka makau iloko o ka waha. No ka wehe an«a mai nae i ka makau,, hookomo aku la oia i kona manamanalima iloko o ka waha o ka i'a, a iloko o kona nanea, i upo'i iho ai ka waha o ua i'a nei, a komo na niho iloko o kona manamanalima, me ka nui o ka eha i loaa iaia, ahiki i kona hele okoa ana no ka halema'i o na poino ulia, no ka lapaauia mai.