Ka Nupepa Kuokoa, Volume LXII, Number 1, 4 January 1923 — KOIKOI NA HOOPA'I DALA I KAUIA MAI. [ARTICLE]

KOIKOI NA HOOPA'I DALA I KAUIA MAI.

Ekolu mau kanaka o ka moku halihali ukana o ka oihana kaua Amerika Meigs, ka moku i lioea mai ai ianei ma ka la 27 o Dekemaba mai ka Hikina mai, i ae ae i ko lakou hewa maloko o ka aha federala a ka Lunakanawai John De Bolt ma ka Poalua nei, no ke ku-e i na kanawai hookapu waiona, a i kauia mai, ka hoopa'i koikoi maluna o lakou. He $250 me na koina o ka aha ka hoopa'i i kauia mai maluna o Opie C. Eadford no ka loaa ana aku he 42 kuaka waiseke, eiwa kuaka kini, 12 kuaka barani, 1 kuaka euraeao, 1 kuaka vermouth ame 1 kuaka waina malalo o kona malu- He $100 me $14.80 na koina o ka aha ka hoopai i kauia mai maluna o Samuel B. Purdy no ka loaa ana aku o kekahi mau omole rama malalo o kona malu, a he $25 ka hoopa'i me na koina o ka aha i kauia mai maluna o Wilfred Sterling Wood, ua emi loa kona hoopa'i no ka hookahi wale no o ke kuaka waiaeke i loaa aku malalo o kona malu. MONTREAL, Dec. 26,—0 na halepule Katolika apau maloko o keia kulanakauhale ua kiaiia e na makai mamuli o na lono hauwawa he hana ka i hoolalaia e hoohaunaeleia ana iloko o ka manawa e malamaia ai k« anaina haipule ma ke aumoe.