Ka Nupepa Kuokoa, Volume LXII, Number 1, 4 January 1923 — HE LAWEOLA KE KUMUHOOPII NO JOE CORREA. [ARTICLE]

HE LAWEOLA KE KUMUHOOPII NO JOE CORREA.

Ma ka Poaono o ka pule i hala aku la ka hopuia ana mai la o .Toe Correa, kekahi o na kalaiwa kaa otomobile hoolimalima o Hilo, e ka makai Cicero Bento ma o kekahi palapala hopu la i hoopukaia mai ko keena oihana aku o ka Loio Kalana William H. Beers, e hoopii ana ia Joe Correa, no ka hewa he laweola ma ke degere ekahi, elike me ka hoakaka a ka lono o ka loaa ana ae mai Ililo mai. Ua paaia o Joe Correa iloko o ka halepaahao ahiki i kona bona ia ana ae i ka huina o $2500. Ua hopuia o Correa mahope iho 0 ka nolio ana a ka aha nieniele a ke koronero no ka ninaninau ana 1 ke kumu.i make ai o C. F. Osborne kekahi o na aliikoa o ka mokukaua Pelekane Cape Town, ke aliikoa i make ai ma kekahi ulia kaa otomobile ma ke Sabati Dekemaba la 17. Elua mau luina e ae o ka mokukaua Cape Town, oia o Edward Powell ame Eales i eha kukonukonu loa ma kela ulia otomobile, a i hoihoiia ae i ka halema'i a mai la manawa mai i laweia ae ai laua no ka halema'i ko laua nolio ana no ka lapaauia ana mai. O Osborne, ka mea i make ame eha mau luina e ae, ua hoolimalimaia e lakou o Correa no ka lawe ana ia lakou i kaluaopele, he 30 mile ka mamao mai ke kaona aku o Hilo. Ma ka oleloia ua ona o Corrca ma ka manawa i loaa ai ka ulia, eia nae, ma ka manawa o ka aha nieniele kumu make a ke koronero o ka noho ana ua like ole na oleloike, ua olelo kekahi poe aohe o Correa i ona, a i ka hiki ole ana ia Correa ke hoopaa i ka holo o ke kaa ua haule aku la ia i ka auwaha mahai o ke alanui a hooku'i aku la i kekahi pou kelepona ma kahi he ewalu mile mai Hilo aku. E hoakaka hou ana ka lono ma ka la 10 o lanuan e noho ai ka aha a ke kiurc kiekie, a ua manaoia me he mea la ma ia manawa e lawe ai ia aha i ka hana r pili ana i ka ninaninau ana no keia hihia. DES MOnSTES, Dec. 26.—He kauoha ka i hoopukaia aku e ka Makai Nui John B. Hammond i keia la o ka poe apau e hopuia ana no ka ona e pa'iia ko lakou kii. I ka manawa e pau ai ka ona e hoikeia aku iaia kona kii i kona wa ona. Ma ko ka Makai Nui Hnmmond manao he mea kokua aku ia i ka hoopau aaa i ka ona. J