Ka Nupepa Kuokoa, Volume LXII, Number 1, 4 January 1923 — EKOLU I EHA MA KA ULIA OTOMOBILE [ARTICLE]

EKOLU I EHA MA KA ULIA OTOMOBILE

Ma ko kihi o na alanui Halekauwila ame Eikeke, ma ka auwina ia o ka -Poalima aku nei i hala, i hooku'i ae ai he elua mau kaa otomobile, o ka hopena i ikeia, o ia no ka huli ana o kekahi o kela mau kaa otomobile, a loaa ka eha kukonukonu i kekahi poe ekolu maluna o ke kaa i huli ai. 0 kela poe apau i elm, lie poe Kepani wale no, he mau ohua noluna o ke kaa otomobile, e hookeleia ana e Charles Kimura, a pakele lioi ke kiakaa. 1 kulike ai me ka moolelo pokole, e pili ana no kela ulia, e holo mai ana o Charles Kimura me kona kaa otomobile ma ke alanui Halekauwila nolalo nei o ke kaona, a e holo ana hoi kekahi kaa okoa aku e hookeleia ana e Herbert Burk ma ke alanui Eikekej i ka hōea ana o kela mau kaa a elua no ke kihi o ke alanui Halekauwila ame Eikeke, o ka ae la no me ke kahuli o ke kaa o a eha na ohua e kau ana maluna o kona kaa. Ma ka oleloia, he hookahi kumu o ka loaa ana o kela pilikia, o ia no ka puahia o ka holo ana o na kaa a elua, nolaila «aole e loaa lie manawa e alo ai mai ka hooku'i ana aku o kekahi kaa i kekahi. Ua paa na kiakaa a elua i ka hopuia, no ka hewa holonui, a na ke kahu o ka aha, e hooholo mai i ka mea o kela mau kiakaa i pili i ka hewa.