Ka Nupepa Kuokoa, Volume LXII, Number 1, 4 January 1923 — MAIKAI KE AU O KA MAKAHIKI HOU [ARTICLE]

MAIKAI KE AU O KA MAKAHIKI HOU

Ma ka hoomaopopo ana i ke ano o ka hoomanao ana a ko Honolulu nei poe i ka la mua o keia makahiki hou, ma o na ulia ia, ame na poino i kau aku maluna o kekahi poe, ua ikeia ke kuiana maikai o ka nee ana o keia makahiki, no ka mea ua emi loa mai na ulia ame na poino, i ko ka makahiki aku nei i haia. He mea maa, i ka ike mau ia, elike me na makahiki i kaahope aku nei, ka nui o na ulia poino, ma na wahi like ole o keia kulanakauhale, iloko o ka la mua o ka makahiki, aole nae ia mau hiona i ikeia ma ka Poakahi nei, koe wale no kekahi mau poino liiiii, ame kekahi mau ulia.kakaikahi. o ke ano no i ike mau ia, ma na manawa e ae iloko o ka makahiki. Ma keia mau hoike maopopo loa, ua komo aku ka lehulehu. iloko o na hoomanao ana ame na hauoli ana, o ka makahiki hou, iloko o na palena kupono, oiai no nae o kekahi mahele nui o r.a poino i ikeia, o ia no ka inu ana o kekahi poe i ka waiona a nui loa, ke kumu i ala mai ai o kekahi mau hakaka iina, eia nae ma ke ano nni ke olelo ae, ua maikai maoli ka hoomanao ana o na kanaka i ka la makahiki hou, aole na hana karaima hookahekoko, aole na hakaka o ke ano inoino loa, a mau hana ekaeka, o ke ano i kamaaina mau ia kakou, ma na hoomanao no ka hauoli makahiki hou, o na wa ae nei i hala. Ma keia la mua o ka makahiki, ua hapa loa mai na ulia kaa otomob;le, he hoailona maikai keia, no ka mea iloko o ka nui 0 na kaa e hi-o ana ma kela la, aole na ulia ko'iko'i i ikeia, aole he mau ola i make, nolaila ua hoomanaoia ka la mua loa o keia makahiki, ma ke ano kupono, a o na hoohauoli ana a kela ame keia ohana, me na hoaloha mawaena o lakou iho, he mau hoohauoli ana īa iloko o na palena ku i ka naauao, aoia ka mea i oleloia ai, he hauoli i'o, aole hoi o na hoohauoli ana, e hoalaia mai ai na hana e ukali aku ai ke kaumaha ame na manao kaniuhu mahope mai. la kakou nae i hoohala ai i ka la mua o keia makahiki, me na hoohauoli ana o na manao mahalo me ka hoomaikai, no ka loaa ana ia kakou o keia makahiki, mamuli mai o ka lokomaikai o ke Akua, e lilo na la o keia makahiki holookoa, i mau la no ka hooi ana ae ina ano kupono iloko o kakou. Ua hala aku la kela la ano nui iioko o ko kakou ola ana, me kana mau hana, aia no hoi a hoea hou mai ia la o ka makahiki hou, alaila komo hou aku kakou iloko o na huoli ana; aole o ka hoolilo 1 kekahi mau manawa e ae no kela hana, no ka mea aole ia mamuli o ka hauoli, aka no ka le'ale'a mai ia, ame ke ano uhauha.