Ka Nupepa Kuokoa, Volume LXII, Number 1, 4 January 1923 — LEHULEHU NA HANA LEALEA MALOKO O KA Y. M. C. A. [ARTICLE]

LEHULEHU NA HANA LEALEA MALOKO O KA Y. M. C. A.

Ma kahi o kanaono poe makaikai i akoakoa aku ma ka Y. M. C. A. Kuwaena ma ka po Poakahi nei no ka nana ana i ka poe heihei au maloko o ka luawai hamama, a no ka hoolohe ana i na himeni me na mea kani a na haumana o ke kula nui o Hawaii, ame ke anaina ike i lea Lunakanawai Sanford B. Dole, ka peresidena mua o ka Y. M. C. A. o Honolulu. Mahope iho o ke anaina ike i malamaia maloko o ke Cooke Hall, lie mau olelo paipai pokole loa ka i kamailioia ae e ka Lunakanawai Dole e pili ana i na la mua loa o ke kukuluia ana ae o ka Y. M. C. A., ma Honolulu nei. O ke Kahukula Nui Yaughan McCaughey ka lunahoomalu o ia halawai. Loheia ka Hookani ana a na Olohe Na na puukani himeni ame na olohe lehia i ka hookani i na meakani o Honolulu i hoolako ae ma ia mahele. Mawaena o ia poe ka Madamo Elenor Haggard Peaeoek, ka i haawi a« i kekahi himeni; na ka Madame George Richardson Baskerville i hookani i ka piano; na F. Fidler i ke cellist a na Joseph Kamakau i himeni i kekahi mau liimeni Hawaii. 0 George C. Potter, ka luna hoomalu o ko komite no k«la ame keia hana, iaia lea hooponopono ana i ka papa kuhikuhi hana. 0 na heihei au na lealea ano nui i malamaia ma ia po, o ka oi aku oia ka heihei alualu i ke kaka. He kaka ola ka i hookuuia iloko o ka luawai hamama a he ekolu mau kaikamahine a ke* Kalapu Outrigger Canoe Club i heihei no ka mea e loaa mua ai o ke kaka, ua lilo iaia ia kaka. He kaka ano laka no ia ma ka nana aku a mahope o ka heihei mua ana ua hooholoia e heihei hou. Ma ka hoihei elua ana ua pienaeua a piha maka'u ke kaka i ka manawa i lele aku ai na kaikamahine me ka uwa o ka poe e nana aku ana mahai o ka luawai no ke alualu ana aku e hopu i ke kaka. He hoikeike kii onioni iwaho mahai o ka luawai ka hana mua ma ka papa kuhikuhi hana o ia aliiahi. Nui ka hauoli o ka poe apau i akoakoa aku malaila ma ia po.