Ka Nupepa Kuokoa, Volume LXII, Number 1, 4 January 1923 — Komo ko ke Kulanakauhale Nei Iloko o na Hauoli Makahiki Hou Malamaia ka Hulahula Alanui e ka Meia Wilson me ke Komo Ana o ka Lehulehu ma na Hana Hoohauoli o ka Po Poaono Nei [ARTICLE]

Komo ko ke Kulanakauhale Nei Iloko o na Hauoli Makahiki Hou

Malamaia ka Hulahula Alanui e ka Meia Wilson me ke Komo Ana o ka Lehulehu ma na Hana Hoohauoli o ka Po Poaono Nei

Elike me na mea maa, iloko o na la hope o ka maleahiki, iloko o na makahiki ae nei i hala, o ia ka malamaia he hulahula akea ma ke alanui, a i lilo hoi i hana walea, ua hookoia kela hana, ma ka po o ka Poaono aku nei i hala, me ke kaa i ka Meia Wilson ke alakai ana i ka hulahula. Ua hele ke kaona nei a piha i na kanaka, iloko o ko lakou mau lole maikai, na wahine, na kane auie na kamalii, aia ilako o lakou apau na manao hauoli, no ka hoea ana mai i ka la hope o ka makahiki, a oili mai ka la o ka makahiki hou. Oiai ,o ka po o ke Sabati, ka la kulaia makahiki hou, ua hooliloia ka po o ka Poaono i manawa, no na mea apau e hoohauoli ai ia lakou iho, no ia kumu, i unuia mai ai ko na wahi apau, a akoakoa i ke kaona nei. Ma na hora o kela ahiahi, ua hele na alanui a piha i na kanaka, e hi-o ana, no ka nana ana i kekahi hiona, i ike mau ole ia, oiai hoi kekahi poe e hele ana no na hale kiionioni, a nolalo hoi o ka Aala Paka kekahi poe, no ka nana ana i na hana hoikeike a ka Ahahui Phoenix, a o ka hapanui ae o na kanaka, aia ko lakou noonoo o ka hoea mai i ka wa o ka hulahula alanui. Ua hoea ae ka bana puhiohe ma ka Paka Bihopa, no ka hoonanea ana i ka lehulehu, a malaila pu ae ka Meia Wilson, ke kanaka ano nui loa, i nanaia aku ai no ka hulahula, no ka mea he hulahula ia na ka Meia. O ka hoa e hulahula pu ai me ka Meia Wilson, o kekahi ia o na ninau hoopohihihi i ka lehulehu, aka nao i ka hoea ana ma ka hora ewalu o kela po, ia mauawa i ikeia aku ai ka Meia Wilson, i kona hele ana aku a noi aku la ia Miss Piper o Waimea, Hawaii, e hulahula pu me ia, ua aeia mai ia leo noi me ka maikai, o ko laua kukuiiima pu mai la no ia, no ke alanui kauaoao o ke alanui Bihopa, a hoomaka aku la e hurahula, me ke komo pu ana mai o kekahi poe e ae e hulahula like, oiai hoi ka poe makaikai e nana aku ana, me ka haawi ana i na hooho o ka hauoli, no ka hiehie ame ka nani o ka hulahula ana a na mea apau. Oiai ka poe hulahula e hookoheheo ana, ma na alanui kauaoao, aia hoi kekahi poe, ke hookani Ia i na pahupahu, me ke kiola ana i na ahi-

kao, a ma lta olelo pokole ana ae, ua hoakoakoaia ae na liana lioopaiakuIL pepeiao, me ka lilo nae o ia mau hana apau i mau mea hoohauoli i ka manao, aohe nanaia ae o na pepa liilii e noke ia ana i ke kiola, iluna o na wahine ame na kaikamahine opio. He hookahi kumu o ka holopouo 0 na hana hoohauoli ma kela po, o ia no ka malie, a hui pu iho no hoi me ke konane o ka mahina, hele loa i ka u'i, aohe mau mea nana e hoopilikia mai i kela manao hoohauoli. Ua hele ke alanui Bihopa, mamua mai o ka Hokele Iana, a kauluwela 1 na kukui o na waihooluu like ole, a pela no hoi me ka hokele ponoi iho, e hoike mai ana kela mau hiona, aole loa he wahi e ae ma Amerika a ma ka honua holookoa no paha, i hoolilo i na hoomanao hauoli ana no 'ka makahiki hou, elike me Honolulu nei. Ua hele a na hora o ke aumoe, akahi no a huli hoi na kanaka no ko lakou mau wahi, me ka piha o na kaa uwila, ane na kaa otomobile pu i ka halihali i na ohua. Hala aku la na hauoli ana o kela po Poono, a i ka oili ana ae o ka la Sabati, e ikeia ana na mea apau, e liuliu hoomakaukau ana, no na paina o ka makahiki liou, ua hele ka makeke a lehau i na kanaka, i ke kuai i na la-i kalua puaa, pela hoi ke kuai ana i ka i'a ame na mea no apau i maa ka ikeia no na paina luau. Ma ke ahiahi ana iho o kela Sabati, ua ho-a na imu puaa a kekahi poe, a ua malamaia na paina hauoli makahiki hou ma na hora o ke ahiahi, me ke kakali ole a hoea mai ka mukahiki hou. O ku hapanui nae o home, ma ka hora umi-kumamalua o leela po, i malama ai i na paina, a ua malamaia na hauoli ana, ahiki wale i na hora o ke kakahiaka. Ua like ka Poakahi nei me kekahi la Sabati, ka mehameha o na alanui, e lioike mai ana kela ano i ka noho ana o ka lehulehu ma na home, no ka hoomaha ana, a no ka hoohauoli ana paha ia lakou, elike me ka makemake o kela ame keia. Ma ke ano nui ke olelo ae, ua hoohalaia ka hoomanao ana no ka makahiki kahiko e pau ana, pela hoi ka makahiki hou e hoea mai ana, iloko o na manao ulumahiehie o na mea apau.