Ka Nupepa Kuokoa, Volume LXII, Number 2, 11 January 1923 — HE HAOLE KE KAKAUOLELO A KA ELELE JARRETT. [ARTICLE]

HE HAOLE KE KAKAUOLELO A KA ELELE JARRETT.

Oiai, aole he hoike maopopo loa, i oili ae iwaho o ke akea, no ka inoa o ka mea e lilo aku ana i kakauolelo na ka Elele Lahui W. P. Jarrett, eia nae iwaena o ka pohai i pili loa aku me ka elele lahui, o lakou ka i olelo ae, aole, he mea e aku e loaa ai iaia o kela kulana, aka o Bertram G. Rivenburgh no ia, kekahi o na hoaloha pilipaa loa 0 ka Elele Jarrett. He inoa o Rivenburgh, i ku-« ikaika ia e kekahi mahele o na Demokarata, no kekahi mau kumu lehulehu; ua hoea loa aku ia £u-e ana imua o ke komite kuwaena Demokarata, ma kekahi manawa ae nei 1 hala, m« ka lokahi ole no o kela komite, a no ia kumu, i waihoia aku ai i ka Elele Jarrett, ke kuleana e wae ae ai, a e koho ai i kana kakauolelo. Ma ka Poalima aku nei i hala, i ka wa i noho ae ai o ka halawai a ke komite hooko Demokarata, i waihoia ao ai he mau palapala noi, no ke kulana kakauolelo, ho ekolu ka nui o kela mau palapala noi, he hookahi mai ia Claus Roberts mai, ka hope loio kalana; he hookahi mai ia Charles Holt mai, kekahi o na moho lunamakaainana i haule o ka apana elima, a he hookahi mai ia Norman K. Lyman inai, kekahi 0 na moho elele lahui Repubalika, 1 haule, 'ma ke koho baloka wae moho.

O Mr. Greoage Aha Nee Kekoa, kekahi lala o ke komite hooko, ka mea nana i waiho ae i ka palapala noi o Norman K. Lyman. Me kela makemake nuī ia nae e maopopo ae ka inoa o ke kakauolelo a ka elele lahui, ua noho hamau loa o Mr. Jarrett, aka nae ua lokahi ka manao o kekahi poe o ke kulanakauhale nei, o kela noho hamau loa ona he hoike ia no ka pololei o ka lakou mea i koho mua ai, o Mr.

Rivenburgh kana kakauolelo i makemake ai, a ke kakali wale nei no oia, o ke kokoke mai i kona manawa e haalele iho ai ia Hawaii nei no Wakinekona, ia wa e hoikeia ae ai i ke akea. Ma na mea i hoikeia mai i keia keena, e haalele mai ana o Mr. B. G. Eivenburgh no Amerika ma keia mua koke iho, me ka hoohala ana i kekahi mau la ma Kapalakiko, a i ka hoea ana aku o ka Elele Jarrett, o ko laua wa ia e holo pu aku ai no Wakinekona, mamua ae o ka wehe ana o ka ahaolelo, i ka mahina ae nei o Maraki. No ka holopono o na han# a ka Elele Jarrett ma Wakinekona, i hoike okoa ae ai kekahi poe I>emokarata i ko lakou mau manao, o Mr. Rivenburgh wale no ke kanaka kupono i kakauolelo nana, mamuli o kona kamaaina i na hana oloko o ka ahaolelo lahui, o ka hele ana o kekahi kakauolelo malihini, a hui iho me ka malihini o ka Elele Jarrett, i na hana o kela ahaolelo, « maopopo ole ana ia laua ke ano o na mea e hana aku ai.