Ka Nupepa Kuokoa, Volume LXII, Number 2, 11 January 1923 — UA KAHEAIA MAI O FRANK PAHIA. [ARTICLE+ILLUSTRATION]

UA KAHEAIA MAI O FRANK PAHIA.

Ma ka hora 4 o ka auwina 3a Poaha, i newa aku la, ke kipa ana ae o ka elele a ka make ma ka home o Frank Pahia, kekahi o na Ha«vaii koikoi, a i lawelawe hoi i na hana o ka lehulehu no ka hapalua kenekulia i hala, a lawe aku la i kona hanu ola, a waiho la i ko kino puanuanu nie ka hoi ana aku o ka lepo i ka lepo ma ka ilina o ka halepule Hawaii ma Kaneohe, mahope o kona kaama'i ana no kekahi manawa pokole. Ua hanauia oia ma Kukuipahu, Kohala, Hawaii, ma ka la 1 o lanuari, 1847, a iaia i moe aku la, ua piha iaia na makahiki he 76 me na la keu ekolu. Eono makaliiki i hala aku nei kona lilo ana he kane wahine-make, a ua haalele mai la oia ekolu mau keiki, Mrs. William Henry, ka wahine kanemake a ka Makai Kiekie mua o ke Teritore, William llenry; Henry Pahia, he anaaina ame John I. Pahia, ho kiai no ka hale ipukukui.

He kanaka o Frank Pahia i hoonaauao kiekie ia ma na kula o Kohala, ma Honolulu nei, a o ka hopo loa ma ke leula nui o Lahainaluna, ke kula i kaulana i kela au ka Ipukukui pio ole i ka makani Kauaula.

Lehulehu na oihana aupuni i lawelaweia e Prank Pahia mawaho ae

o kana oihana paamau he anaaina; he hope makai nui no ka jnokupuni o Hawaii ma Hilo, a i kona hoi liou ana mai i Oahu nei, he 16 mau makahiki ana i lawelawo ai i ka hana he hope makai nui no ka apana o Koolaupoko ae nei. Oia kekahi o na hoa kau kanawai iloko o ka ahaolelo kuloko i ke au o ke aupuni Moi no elua kau.

O Heeia kona home i nolio ai i |

na la hope o kona ola ana. I ka makahiki 1916 i haalele mai ai kona kokoolua iaia a ua noho hookahi iho ahiki i kona make ana. Oiai oia e paa ana i na kulana like ole, ua hooko aku i kana hana me ke kaulike ame ka pololei, aole

loa i ikeia he mau kina'una 'u iloko o kana hana ma na oihana like ole ana i paa ai. He kanaka oluolu he puuwaihamama, he puukalahala no ka lehulehu o keia aina, he makua no ka apana ana i noho aloha ai.

FRANK PAHIA,